食用安全｜港女買$158海膽呻難食過屎＋有渣 專家推斷已過期：好少係咁嘅黑色｜附揀靚海膽3招+中伏位

不少港人都愛到日本旅行，惟疫情下只能在港購買日本食物「止癮」，也須留意食物質素。一名港女日前在元朗以158元購買一盒50克海膽，初時她見海膽顏色古怪而有所猶豫，但聽到店員解釋及見到有其他客人購買後，就照樣買回家食用，怎料最終仍是「中伏」；她形容海膽味道有酸有苦，更直呼「點解難食過屎」。有海鮮專家接受《晴報》訪問時表示，估計該海膽已過期變質，建議市民可參考3大貼士選購海膽。

該名女網民周二（13日）在Facebook群組「香港海膽&三文魚子關注組」圖文並茂發帖，分享買海膽的中伏經歷。她指在元朗一間刺身海鮮食品批發店購買一盒「日本北海道馬糞海膽」，50克售價為158元。當時她眼見海膽售價不便宜，但顏色與一般海膽有異，形容「灰灰地，每一嚿都唔同色」，對質素抱有疑惑，遂詢問職員該盒海膽是否新鮮。職員表示這款海膽「難得返貨」，屬純天然無添加，是熱銷產品，自己吃過亦覺得味道很好。

（↓點擊圖片放大↓）

事主當時見到店內剛好有人購買該款海膽，好奇心驅使下就購買最後一盒回家享用，怎料卻驚覺中伏：

「點解難食過屎，仲要有渣。每一嚿都唔同味，苦又有酸又有，但又唔係臭咗嗰隻味。隻味好難用筆墨形容，係呢世人食過最難食嘅海膽！」

事主指，雖然該盒海膽顏色及味道有異，猶幸食用後未有感到不適。而她購買回家食用後，店舖已經關門，所以未有拿回店舖退貨，苦笑喟：

「多謝佢令我體驗到糞嘅味道……當買個教訓，大家笑吓就算。」

網民：咁嘅色我見到真係唔敢買

帖文在群組引發熱議，網民紛紛認為該盒海膽已變質，笑言事主「很有勇氣」；又批評涉事店舖無良，銷售疑似已過期的海鮮食品：

（↓點擊圖片放大↓）

海鮮專家：估計該海膽已過期變質

「丁丁海鮮外送」老闆Michael接受《晴報》訪問時表示，按照事主上載的相片，該盒海膽已有出水情況，而且「好少會係咁嘅黑色」，認為已經過期變壞，直言：「食到酸味真係唔好再食。」

Michael解釋，越高級數的海膽，樣貌和顏色都會較平均而一致，不會有太大顏色差異，

「通常係質素唔夠高嘅海膽，先會出現圖中嘅顏色。」

他續指，無論任何品牌的海膽，在正常情況下，每一板海膽的側面都會貼有食用日期的貼紙，惟圖中則未見到，不排除有店舖自行將貼紙撕去。故此，他建議市民在購買前，需注意產品是否有該貼紙，「如果冇嘅話，好大機會係過咗期。」

選購海膽3大貼士

Michael表示，揀選海膽要視乎食用日期及賣相，坦言若賣相不好，建議市民切勿貪平，「因為係食落肚，仲要係生食」。他建議可參考以下3點，選購質素好的海膽：

（↓點擊圖片放大↓）

同場加映：

果欄專家推4款當造日本蜜瓜 揀新鮮靚瓜要睇3個位置【附揀靚瓜方法】

{{hket:ul-video id="3485"}}{{/hket:ul-video}}

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：賴天兒