晶女郎｜梁敏儀疫情下冇工開轉行賣餅 見工唔識寫CV遇同行感尷尬避開

現年45歲嘅梁敏儀於1999年參選港姐入行，一直行性感路線嘅佢拍過唔少三級片，包括《金瓶梅II愛的奴隸》、《鴨王》、《安非他命》及《古惑仔：江湖新秩序》等，不乏大膽床戲。隨着年紀漸長，梁敏儀表示自己唔會再拍三級片，而近年就主要到內地登台工作。但在疫情打擊下工作減少，早前佢就被發現轉行賣餅，全程表現熟手及專業。

{{hket:inline-image name="202088989_226622622619743_2042513006803800058_n.jpg"}}{{/hket:inline-image}}

敏儀指疫情爆發後所有工作叫停，最初做炒散（散工），兼職做倉務、麵包烘焙等；後來見疫情一直未有緩和就決定搵長工，而自己已經喺蛋糕店做咗近一年。佢直言已經20年冇做服務性行業，初時都覺得唔慣，未能放下心理包袱，遇到同行時更感尷尬。頭一、兩次撞到同行時，敏儀直頭唔敢正視，背對住佢哋；後來見多一、兩次就覺得要豁出去：「我都係工作啫，自己放低咗仲開心。」敏儀又指同事們後生，未必睇過佢演嘅戲，亦有問自己以前做咩工；佢就答自己返內地多，做Entertainment（娛樂工作），但就冇同同事講拍過戲。

敏儀坦言收入大減要節衣縮食，幸而從事設計工作的老公未受疫情影響；老公亦叮囑敏儀如果太辛苦就辭職，不過敏儀就話自己份工都唔太辛苦，只係要長時間站立。敏儀指自己之前見過幾份工都未獲聘用，連點寫CV都唔識：「要寫之前做過咩，唔通叫人上網打我個名搵？仲要咁性感……我只寫喺內地做娛樂工作，見工時佢會覺得你唔夠坦誠，叫你等消息，幾次都係呢個問題。所以今次我好坦白，見工時話係演員，因為疫情留港，要搵份工。」

敏儀表示因為老公同家人都喺香港，所以唔會考慮長留內地工作，最多只會留幾個月；佢亦有感將來仍係未知之數，想有一技之長，計劃讀咖啡課程自我增值，希望將來可以開咖啡店。不過佢亦未忘演藝事業，年初時都有拍戲，又希望有多啲本土戲開拍，不過指如果將來通關都會繼續返內地登台。

同場加映： 欺詐劇團│劉頌鵬執二攤演劇團傻更更新丁 曾遇人不淑靠送外賣還20萬債

{{hket:ul-video id="3370"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】