家庭糾紛｜哥哥與內地女友拍拖半年欲結婚 媽媽堅決反對：睇中你爸爸有樓

婚事如遇上家人反對實在相當難處理。一名港男早前在網上發文求救，全家因兄長結婚問題有分歧，指兄長打算與拍拖半年的內地女友結婚，婚後遷往內地生活；然而父母因從未與其女友見面，對婚事有所保留，母親更認定女方只是貪圖他們在內地有多個物業，才趕急拉埋天窗。兩母子為此多番吵架，家無寧日，令他煩惱不堪：「喺阿媽角度睇，邊個都係貪，點先可以改變佢想法？」

一名男網友近日在香港討論區發文，透露兄長半年前與一名內地女子拍拖，最近表示有意結婚，並已遷往內地生活。然而由於疫情封關，兄長從未帶過女友來港與家人見面，父母皆對婚事有所保留。父親認為雙方應先見面再作決定，母親更因此與哥哥爭執。

事主透露，家中經濟環境不俗，父親在內地有物業收租，將來亦會將4棟物業平均分配予他們兩兄弟。母親得知兄長曾帶女友前往其中一幢內地物業，便認定對方貪圖家中錢財，勸說兄長要想清楚才結婚，

「阿媽唔係歧視大陸身分，（母親）覺得我哋成家未見過，佢哋又拍拖唔耐。」

事主表示，他與父親對兩人關係則保持開放態度，認為可待通關見面後再作打算。兄長亦未詢問女家意見，但表明即使對方家長反對，仍打算與女友結婚。面對兄長的堅持，事主稱現時最大難題是要得到母親首肯，

「喺阿媽角度睇，邊個都係貪，唔通有樓就要單身咩？定係額頭寫住貪？點先可以改變佢想法？」

帖文在討論區得到不少網民留言回覆，有人表示家人從未見過兄長的女友，確實難以就此同意婚事；另有人表示兄長的女友未必是貪錢之人，應多向媽媽解釋，以改變其舊有觀念：

（↓點擊圖片放大↓）

同場加映：

疫下OT至凌晨12時犧牲親子時間 社工港媽感激家人作最強後盾

{{hket:ul-video id="3159"}}{{/hket:ul-video}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

撰文：賴天兒