張家輝關詠荷15歲寶貝女罕有曝光 遺傳的奧妙完美複製父母靚基因

張家輝同太太關詠荷2003年結婚，非常有觀眾緣嘅佢哋一齊之後更有「加乘」作用，多年嚟都係圈中嘅模範夫妻，惹人艷羨。二人婚後育有女兒張童，囡囡剛出世時都有帶埋佢出席公開活動，不過囡囡長大後樣貌就其少曝光，非常保護佢。

{{hket:inline-image name="121dfd67b71fb6e06dd3234c3e765693.jpg"}}{{/hket:inline-image}}

日前有內地網友上載一段2018年拍攝到嘅片段，地點看似係紋身展，家輝身邊係當年幫碧咸紋身嘅星級紋身師Gabe，而另一邊就係囡囡張童。囡囡依偎喺爸爸身邊，睇落有悶悶不樂，依然翹住爸爸手臂，默默陪伴，場面溫馨，果然係前世情人！大家睇到條片，不禁驚嘆「遺傳的奧妙」，因為囡囡係拎齊爸爸媽媽嘅基因，成為佢哋嘅完美混合體，有網友話：「第一眼似張家輝，望多8秒似關詠荷，再望多陣又似番張家輝……」更加有人拎當年張家輝拍戲嘅反串造型嚟做比較！亦有網民指出張家輝、關詠荷本身好有夫妻相，咁囡囡梗係兩個都似啦……爭乜嘢啫？打和啦！Super！

（點擊圖片放大）

關詠荷自2006年誕下女兒後一直都處於半退隱狀態，將大部分時間都放喺家庭上，近年來關詠荷都有戲癮發作短暫重回幕前。曾2度流產的嘅佢，以42歲高齡誕下女兒，張童可以話係得來不易！張家輝背後有賢妻良母關詠荷默默支持，專心喺外面搏殺，事業唔成功先至奇啦！