Staycation之錯？｜港女愛上浸浴埋怨屋企舊冇浴缸 老公嘆：裝修要$50萬可能買新樓好啲

新冠肺炎疫情下無法外出旅遊，不少港人選擇去Staycation住本地酒店放鬆身心。一名港男日前在網上大吐苦水，指妻子因經常Staycation而愛上浸浴，更開始埋怨屋企舊、沒浴缸，因而令他感到無奈，不禁大嘆：「搵人裝修間屋再整埋浴缸都要50個（萬元），可能真係買新樓好啲。」

該名港男上周五（2日）在網上討論區「親子王國」以「老婆去得多staycation ，愛上了浸浴」為題發帖，指妻子自從多次去酒店Staycation後便愛上浸浴，

「而家成日埋怨屋企舊，又冇浴缸，又話新樓裝修好靚有浴缸，唔通因為佢想浸浴而搬屋咩。」

他對於妻子的埋怨大感無奈，表示現時所住單位已30年樓齡，若要全屋裝修、廁所設置浴缸的話，至少要花50萬元。對此，他不禁慨嘆：

「可能真係買新樓好啲。」

此事引來網民熱議，有人認為「想歎」之心人皆有之，想在家中浸浴的要求亦不為過。有網民更推介事主到網購平台淘寶購買「折疊浸浴桶」，以最低價錢解決其妻所需：

（↓點擊圖片放大↓）

不過，亦有網民坦言即使酒店有浴缸，亦會因衛生原因而不敢浸浴。同時，亦有不少網民認為浸浴十分浪費食水，更著事主妻子做人不要有太多慾望及埋怨：

（↓點擊圖片放大↓）

女友住酒店上癮，不斷豪玩加錢升級，港男大呻：Staycation真係害人不淺，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴