98年拍攝電影古惑仔｜袁偉豪參觀漫畫主題餐廳好感恩 曾演少年巢皮犧牲色相出「股惑」

唔少人以為袁偉豪喺2007年參選香港先生得到冠軍後出道，唔講唔知道，其實袁偉豪一早喺17歲經已拍攝首部電影《新古惑仔之少年激鬥篇》。戲中佢飾演「巢皮」包達明一角，同謝霆鋒飾演嘅主角「陳浩南」有唔少對手戲，其中仲有超激露股戲，尺度非常大。

Y2K+01│袁偉豪20年前青澀Band友照曝光 老友柯有綸陳國坤先後已成人父【下一頁】

{{hket:inline-image name="687.png"}}{{/hket:inline-image}}

袁偉豪尋日喺IG分享幾張同好友洪天明去一間以古惑仔漫畫為主題嘅餐廳嘅相，令佢大感懷念，留言話：「終於有機會可以參觀這一間以古惑仔漫畫做主題嘅港式餐廳，幸運地發現自己有份參與演出古惑仔系列電影，亦有幸得到作者送出的簽名紀念冊。」袁偉豪意外收到大禮，非常好運；另外一班粉絲都紛紛留言表示好懷念，「我記得我細個有睇過！」、「我都有呀！張古惑仔DVD」、「巢皮哥！」等。

（↓點擊放大睇圖片↓）

其實早喺袁偉豪15歲時，佢已經透過雜誌《YES！》參選校草比賽，最後憑出眾外表成為冠軍校草，之後一直都有參與唔少模特兒工作。1998年，袁偉豪簽約力圖唱片同演出維他奶廣告，同年更加獲選拍攝電影《新古惑仔》。袁偉豪第一套電影就擔任重要角色，喺戲入面飾演主角謝霆鋒其中一個「老死」，之後再一齊成為古惑仔，加入戲內嘅黑社會組織「洪興社」。

當時袁偉豪有一幕露股戲令唔少觀眾留低深刻印象。嗰幕講述袁偉豪同謝霆鋒、李燦森等一班好兄弟一齊前往浴場，大家喺浴場玩得興起，袁偉豪同李燦森打鬧之間一躍而起，白滑屁股喺鏡頭中一覽無遺。以第一次拍戲嚟講，尺度都算幾大！

（↓點擊放大睇圖片↓）

林子善讚都被拖落水？│袁偉豪自信爆棚半裸騷六舊腹肌 又自抽「樣咁老咁醜有鬼用咩？」【下一頁】