信和幫員工做睡眠測試 提供專業意見

睡眠充足對健康好重要，黛安聽公關姊妹講，信和集團之前同倍靈科技和中大醫學院合作，推出員工睡眠測試及分析計劃，藉此提升員工對睡眠問題嘅關注，連員工配偶都可以參加，唔少人都讚好㗎！

公關姊妹話，只要臨瞓前戴上無綫家用睡眠監測指環，就可以記錄脈搏、睡眠階段等資料，得出睡眠分析報告會有醫生提供專業意見。

集團將會喺4月起，將計劃推廣至Sino Club會員，透過手機App就可免費報名參加網上睡眠質素講座，仲可以85折參加睡眠測試計劃㖭。