又到櫻花季 MOKO為花迷打造櫻花路

又到咗日本嘅「櫻花季」，雖然無得飛去日本睇，但黛安知道MOKO新世紀廣場會喺今個月25日至5月19日，為櫻花迷打造「MOKO春の花見」，帶大家踏上賞櫻之旅。商場仲設有全港首間「迪士尼櫻花季期間限定店」，有過百款限定迪士尼櫻花系列精品發售，米奇同米妮、鋼牙同大鼻，仲有1.5米高嘅小熊維尼毛公仔，都會現身櫻花光影主題打卡區㗎！商場參照咗日本賞櫻勝地「竹中稻荷神社」，打造咗一條15米長嘅「幸福鳥居櫻花路」；商場二樓更有「櫻の茶屋」打卡區，影靚相一流呀！