結婚4年丨余安安宣布大女佗B捧巨肚合照 61歲即將榮升最靚婆婆喜上眉梢

現年61歲嘅余安安在2003年同前夫李萬祺離婚，自此母兼父職照顧一對女兒李文琪（Marcia）和李文騫。安安姐近年都好少接拍電影，不時見到佢都係下廚，享受吓家庭樂；安安姐仲會喺社交平台分享佢嘅家庭日常，真係睇見都覺得溫馨！

{{hket:inline-image name="150120126_493513991645444_6216676939572760136_n.jpg"}}{{/hket:inline-image}}

適逢白色情人節，安安姐喺社交平台post咗張自己捧住大女巨肚嘅合照，宣布阿女佗牛B，準備升呢做婆婆！安安姐以英文留言：「Nice little walk after lunch with my babe!  #pregnancylife #alwaysmysweetgirl（午飯後和我的寶貝一起散步！#懷孕生活＃永遠是我的甜心女孩）」唔少藝人都好戥佢高興，留言恭賀，仲大讚佢會係最靚婆婆！保養得宜嘅安安姐的確一啲都唔似61歲，除咗皮膚光滑之外，身材仲Keep得好好!

（↓點擊圖片放大↓）

安安姐大女李文琪於2016年結婚，任職律師，而女婿張介榮則是現任投資公司管理層，基因優良！結婚之時，安安姐已經指大女係有計劃嘅人，話佢哋會過2﹑3年二人世界先會生B，而今年係佢哋結婚第四年，終於迎來小生命！

當日安安姐前夫李萬祺亦有出席婚禮，安安姐指佢始終係阿女嘅爸爸，在這個大喜日子，嫲嫲又好錫文琪，所以請埋佢一齊嚟分享喜悅。李萬祺喺結束公關公司後就絕迹香港，早年再婚及再做爸爸，並於澳門經營日本餐廳，現時主要做關於賽車嘅工作。