「享樂在港鐵」 車廂聽古典樂 旅程添妙韻

好多人搭車時都會聽歌，黛安收到風，港鐵即日起至4月3日，會同香港管弦樂團合作推出「享樂在港鐵」計劃。呢個計劃將古典音樂從音樂廳帶入公共交通系統，由港樂超過30位樂師演奏莫札特嘅《第三圓號協奏曲》選段等5首古典音樂，喺車站大堂同車廂內電視播放。

港樂行政總裁霍品達話，呢個項目可以突破場地界限，等港樂可以成為乘客旅程上嘅夥伴。港鐵公司主席歐陽伯權就話，希望呢個項目可以喺疫情下為大家帶嚟正能量，等乘客喺車程中可以放鬆心情。

港樂嘅表演除咗喺港鐵聽得到，仲可以上港鐵同港樂嘅社交平台觀賞㗎，詳情請【按此】瀏覽。