陳定幫玄學角度教買樓投資 重點推介3個地區即將行大運?

香港著名玄學家陳定幫師傅乃金剛上師陳果齊之子，2013年擔任無綫電視節目《求愛大作戰》的「愛情玄學家」而走紅。最近佢喺YouTube開設咗自己嘅Channel，同大家分享一些玄學、心理學、都市傳說、成功學同身心靈嘅知識，唔只係同大家講佢嘅見解，仲會教埋大家點睇，短短嘅時間已經累積咗2萬人訂閱，一啲都唔簡單！

{{hket:inline-image name="10.JPG"}}{{/hket:inline-image}}

最新一集陳定幫師傅就教大家點樣揀一個好嘅樓盤，分享嚟緊香港有邊啲地區會旺、會火紅。陳師傅提到2024年將會行「九運」，「九運」期間有啲方位特別旺，「南邊見山、北邊見水」嘅地方喺未來20年都會繼續咁旺，係天然上佳嘅風水格局。香港有呢個格局嘅地方有灣仔、銅鑼灣、中環等地，即係香港島沿岸地區。

（↓點擊圖片放大↓）

陳定幫師傅特別強調佢覺得嚟緊「九運」會旺嘅地方，仲有馬鞍山、白石角同天水圍。陳師傅指雖然「九運」喺3年後先發生，但表示投資係要快人一步，如果3年後先出手，當旺地方嘅樓價已飆升就太遲。他亦指出「南邊見山、北邊見水」呢個概念係可以套用到去外國投資樓房。

{{hket:youtube id="9AKs5h_lw-c"}}{{/hket:youtube}}

2024年前仍然行緊「八運」，「東北見山，西南見水」嘅地方當旺。陳師傅教大家判斷一個地方嘅地運，就係根據「三元九運」同「洛書數九宮飛星圖」去睇。1984年至2003年行緊「七運」，因此西邊有山、東邊有水嘅杏花邨當旺，杏花邨喺當時樓價上升，而喺嗰度住嘅人都係有「質素」嘅人。又指「南邊見山、北邊見水」，原則中嘅「北邊見水」可以指屋苑嘅泳池、水池，只係冇咁大嘅「巒頭」，但都一樣有效果。