過分溺愛 | 8歲女未戒尿片以BB車代步 港媽超離地溺愛致欠自理能力 昔日保母嘆：其實係害佢

過份溺愛孩子，隨時影響他們成長。日前有網民分享，指曾照顧一名約7、8歲的小學二年級女生；因為父母過分溺愛的關係，女童不但睡覺時穿上尿片以防「瀨尿」，出入更以BB車代步。對此，事主不禁慨嘆：「你咁嘅照顧方式以為愛佢，錫佢，其實真係害佢。」

睡覺時穿著尿片 以防「瀨尿」

Facebook專頁「生仔要考牌系列」周二（2日）刊登一名網民的投稿，指曾照顧一名小二女生，雖然已年約7、8歲，但睡覺時其母親仍替她穿上尿片，以免「瀨尿」，「女孩早上起床無刷牙，無去廁所。要直到中午，個媽先叫佢除片」；而女童則自恃有著片而不上廁所，更聲言「反正有片咪痾落片」。

為女兒烹調軟餐 

事主指，女童吃飯時一定要看電視，每次都是「餵先食飯，結果係餵都要追住佢跑嚟餵」，令事主相當無奈。此外，女童的母親連烹調技巧也會以方便女兒優先︰

「佢媽媽話佢（女童）唔鍾意咬嘢，瓜同肉絲都會煮到勁腍，或者蒸水蛋唔使咬。結果小女孩話肉絲硬，但我試過係好腍，原來佢話佢（女童）只食少量肉碎，從來都唔使咬。」

以BB車代步 方便隨時休息 

事主又指，女童出外時要以BB車代步，到了公園和學校前才落地，目的是讓她「隨時眼瞓時用」。而女童亦曾要求事主買玩具，遭到拒絕時女童便「瞓地、喊、尖叫」，最終事主迫於無奈就範。當事主打算向女童母親索回買玩具的費用時，對方竟回應︰

「你咪送畀佢囉，又唔係貴，我個女咁得意，你唔係同佢計嘛。」

網民︰7至8歲應該有自理能力

事主無奈指，父母以為溺愛的照顧方式是愛錫女兒，但其實可能影響其日後成長。帖文一出，引起不少網民熱議，不少人表示難以相信此事發生在一個7、8歲的女童身上︰

（↓點擊圖片放大↓）  

內容獲「生仔要考牌系列」授權刊登。

每朝索取《晴報》：精明生活．健康家庭．開心娛樂

撰文︰潘迦晴