《家多咗個PET》︳領養犬小Q驚到失禁唔敢出街 訓練員冇符 網民質疑：咁就放棄？

ViuTV寵物真人騷節目《家多咗個PET》今個星期正式開播，由ERROR成員何啟華 (阿Dee) 及陳海寧（Isabella)主持，節目直擊4個家庭領養狗狗回家後，如何與狗狗相處、生活及訓練的日常。剛播出的一集講到寵物訓練員蔡靜漣（JC）前往其中一個領養家庭阿Ray的住所，訓練剛到埗的新成員「小Q」適應新環境，助小Q盡快融入家中。不過，一家人準備帶小Q搭𨋢落街的一幕，竟惹起網民質疑寵物訓練員JC的能力。

{{hket:inline-image name="31.jpg"}}{{/hket:inline-image}}

ERROR成員阿Dee和Isabella主持新節目《家多咗個PET》，同４個來自唔同家庭嘅小朋友一齊講狗經。（圖片：電視截圖）

{{hket:inline-image name="28.jpg"}}{{/hket:inline-image}}

小Q成為阿Ray嘅新家庭成員，初來報到當然唔係好習慣。（圖片：電視截圖）

節目中，黃色唐狗妹妹小Ｑ被阿Ray一家三口領養，攝製隊在小Q到新家庭的第４天到場拍攝，而主人阿Ray就向訓練員簡報小Ｑ幾天來的生活流程，小Q在大廳屙了一篤屎，所以Ray想小Ｑ能夠到指定範圍內大小便。JC稱若果小Q為食的話，就用零食來引牠入廁所。不過，原來阿Ray一開始用的方法已經出錯：「小Q第一日嚟，我就困咗佢係廁所，而家佢唔敢再行入去。」見到小Ｑ很抗拒走近廁所位，JC就用零食一步一步引小Q入內，最後小Q只肯半個身行入廁所，當零食到口後，即秒速離開，而JC認為對寵物不能用「逼功」，她說：「所有嘢唔好逼，係要佢自願入去，自願出去先得。」

（↓點擊放大睇圖片↓）

未能成功入廁所「解決」，JC就嘗試帶小Ｑ落街放風，由小主人騎士拖著小Q出門口，當小Q行到𨋢門前已經表現得相當緊張，尾巴都收到肚底下，JC則提醒阿Ray夫婦，當狗狗受驚時，切忌給牠獎勵的動作，因為這樣會令狗狗誤會是鼓勵牠去驚。但話口未完，小Q已經緊張到在𨋢口開大。JC認為小Q是「狗有三急」而非驚到瀨屎。𨋢門打開後，小Q賴在地下寸步不讓，就算JC親自出馬都一樣束手無策，小Q還追加一篤尿尿。最後，JC提議主人阿Ray來嘗試帶小Ｑ：「見小Q成日望住你，所以阿Ray你試下帶唔帶到佢入𨋢。」可惜阿Ray又拉又氹最後都宣告失敗。JC的專業結論是：「因為之前小Q喺屋企有舒服同安全嘅感覺，出街對佢嚟講變相會覺得唔安全，會覺得不安，覺得最好唔好出去，驚落咗去唔知會去邊，所以，小Q唔想走。」

節目播出後，很多網民對訓練員的教狗方法有所質疑，「仲教人點同狗狗相處，半途放棄？畀錯訊息狗狗，狗狗以後都覺得只要企硬就唔使出街！」、「其實……教緊狗嗰個，係唔識教狗……」、「教狗嗰兩條女都唔掂囉 ！」不過，亦有網民為領養家庭打氣：「小Q 加油！」、「見到狗狗們有家係開心，但最重要之後日子，係咪同上電視一樣？希望狗狗真係幸福。」。

（↓點擊放大睇圖片↓）

撰文：衛紫敏

黃建東時脹時瘦網民質疑進化過 鮮肉照 力證天生臥蠶兼有整容鼻 【下一頁】