圈中牛仔牛女│陳煒自知犯太歲碌柚葉洗衰氣 謝東閔年初一內至外換新裝

圈中唔少藝人都係牛仔牛女，包括出名勤力嘅劉德華、歌神張學友，仲有同樣肖牛嘅陳煒、謝東閔以及應屆港姐季軍郭柏妍。踏入牛年，嚟到一眾肖牛仔牛女嘅本命年，陳煒、謝東閔同郭柏妍各有唔同嘅新年習俗，希望踏入牛年事事順利，身體健康。

{{hket:inline-image name="05.jpg"}}{{/hket:inline-image}}

牛女陳煒農曆新年小休3日，初四開工拍劇。（圖片：陳煒IG)

{{hket:inline-image name="04.jpg"}}{{/hket:inline-image}}

本命年犯太歲嘅陳煒，已買定碌柚葉沖涼除，希望新一年能成功做業主。（圖片：陳煒IG)

【《多功能老婆》閨密重聚】32歲朱晨麗出皺紋被嘲似阿姨 陳煒熟女照撒嬌為男友剝蝦殼 【下一頁】

過去一年，煒哥無論愛情、事業都順風順水，見佢密密睇樓就知佢大有機會一圓業主夢啦！煒哥入得廚房出得廳堂，皆因佢有個多功能北方人媽媽，佢細細個就跟住媽媽喺煮房做菜，每逢新年包自家餃子係佢哋嘅習俗，一家人捧住一碗碗熱辣辣嘅餃子，一種暖在心頭嘅感覺。煒哥除咗擅長包韭菜豬肉餃之外，亦曾經喺飲食節目《食得好健康》中，自創過一味羽衣甘藍餃子，「美女廚神」稱號唔係浪得虛名！

煒哥話：「往年新年都會包餃子，今年預計有３日假期，但假期後我就要為新劇《黯夜守護者》開工，放假都要為劇集做準備，所以都未知有冇時間包餃子。」煒哥果然係牛女本性，越忙越開心，為咗嚟緊一年事事順利，煒哥話有個習俗一定唔少得：「過年前我會用碌柚葉沖涼，將過去一年唔好嘅運氣趕走，加上牛年犯太歲，要跟傳統習俗做少少嘢，用碌柚葉沖涼其實最簡單，最重要都係求心安理得。」

（↓點擊放大 睇圖片↓）

踏入36歲嘅「牛仔」謝東閔雖然犯太歲，但就一啲都唔擔心：「我覺得係心理作用，不過屋企人會幫我攝太歲，以往年三十晚我都會去拜神，主要係求來年工作順利。」謝東閔曾經喺英國讀書，覺得外國嘅過年氣氛始終唔及香港咁熱鬧，尤其入咗娛樂圈，特別感受到新年喜氣洋洋嘅氣氛：「以往新年都會去親戚朋友到拜年，但今年因為疫情，相信都未必去拜年，無論新年有冇機會見面，我都希望身邊所有人身體健康。」謝東閔都有跟傳統嘅過年習俗：「我會由內到外，都換過全新嘅，唯一係大年初一唔洗頭呢個習俗，對我嚟就未必會跟足嘞。」

3人之中,「牛女」郭柏妍（Rosita）年紀最輕但竟然最迷信:「如果知道呢年運程唔好都會擔心，所以每年都睇運程書，盡可能做啲嘢去改善，最直接就係參考邊個生肖對自己有利，或者可以阻擋厄運，例如知道老鼠吊飾同牛好夾，我就會戴老鼠形狀嘅飾物，雖然我好驚老鼠，哈哈！」Rosita仲話已經有準備：「今年我有諗過染一頭紅髮過年，既可以擋災，又有新年氣氛！」

（↓點擊放大睇圖片↓）

撰文：衛紫敏

採訪︰Pauline

陳伶俐為大仔林肯慶祝22歲生日 現任丈夫視如己出 網友：好幸福 【下一頁】