皇室堡辦新春優惠「企」劃 會員可預訂Penmily企鵝賀歲填色比賽

黛安收到風，皇室堡同Penmily企鵝由即日起至2月28日，會舉辦一系列新春優惠「企」劃，包括Penmily企鵝賀新歲填色比賽、春日消費禮遇及周一暖心賞，大人小朋友都可以參與㗎。

大家只要下載皇室堡App，登記成為WINDSOR CLUB會員，憑500積分就可以為4至16歲參加者預訂1個填色比賽名額，費用全免㗎。比賽分3個組別︰幼童組（4-6歲）、中童組（7-11歲）、青年組（12-16歲），每組均設冠、亞及季軍各1名，共150個參賽名額，優勝者最高可獲價值逾$2,000獎品㖭。

另外，商場亦有一系列新春優惠，WINDSOR CLUB會員專屬嘅周一暖心賞，喺指定期間嘅逢周一開始，可先憑指定積分數量預訂「換領證」，憑證喺14日內到皇室堡以任何電子消費，即可免費換領「星巴克$25禮券」2張。喺指定期間以電子貨幣即日消費滿指定金額，仲可以免費換領「Penmily企鵝」限定版禮品及精選商戶禮券1份。