屢勸不改？│連詩雅被投訴佔用屋苑訪客車位 耍冧稱「冇油」:大頭蝦唔記得處理

連詩雅（Shiga）上年於劇集《那些我愛過的人》裡首次擔任第二女主角，飾演婦產科醫生「方書文」，大獲好評之餘更令佢成功「入屋」。人紅多是非，噚日Shiga就畀人投訴有失公德。

{{hket:inline-image name="003-1-731x1024.jpg"}}{{/hket:inline-image}}

事緣係同與媽咪同住於啟德一號嘅Shiga被經常佔用屋苑住客訪客車位，住客已多番向管理處投訴，而管理處雖多次跟進處理，但情況依然未有改善。

有指Shiga三年嚟一直貪方便，棄用自己專用車位，反而霸佔住客訪客車位，投訴人指佢每個星期都有一兩次霸佔，噚日更一整日都泊訪客車位，即使管理處介入拒絕將車駛走。投訴人指Shiga嘅原因只係因為訪客車位近𨋢口，但Shiga專用車位都只係遠十幾個車位，50公尺左右，而訪客車位只有5、6個，佢嘅佔用會對其他真正有需要使用嘅訪客會造成不便。

投訴人指投訴人指好多住客都曾經喺群組度鬧Shiga，佢表示管理處回覆住客投訴指多次聯絡不到連詩雅，有時聯絡到就話係助手泊，唔關自己事，管理處指Shiga泊時租車位收番錢，不過Shiga係用專用車位證入閘，唔係用八達通卡入閘，所以根本就冇收費。

（↓點擊圖片放大↓）

連詩雅出席仁濟活動時回應耍冧：「噚晚（前晚）架車差唔多冇油，掉低架車衝咗返屋企做其他嘢，唔記得打去管理處講番聲，泊咗喺時租應該要畀番時租費用，我真係大頭蝦唔記得處理。」而連詩雅又謂早上已將事情處理好。對於被指3年間經常佔用該車位，連詩雅就表示只係發生過幾次，話以後會小心，避免再發生同樣事情。