濫用白車｜頭暈肚痛便秘急Call救護車 醫護舉例2大事例怒轟濫用 「見盡非緊急召喚令危急病人失救」

救護員救人爭分奪秒，尤其是在新冠肺炎疫情下，醫療資源更是緊絀。有救護員日前在網上怒轟，不少人只因頭暈、肚痛、便秘等問題便召喚救護車，更表示自己從事救護員多年，見盡因為非緊急召喚而導致真正危急病人失救的憾事。

Facebook專頁「公務員secrets」前日（27日）刊登一名救護員的投稿，對方指自己作為救護員，眼見第4波疫情比第3波時更嚴重，「但啲病人都仲係好鍾意頭暈肚痛便秘就叫救護車去醫院，已經麻木咗。」但言論一出，卻有不少網民留言表示「肚痛可以好大鑊其實」、「救護員係醫生咩？你實知人地call車唔係乜嘢大病？」

另一名救護員有見及此，日前遂向上述專頁投稿，直斥：「終於明白點解咁多濫用，因為濫用咗都唔知自己濫用嗰吓先恐怖！」為此，他舉出兩大事例解釋救護車的真正用處：

（↓點擊圖片放大↓）

最後，救護員直言自己已從事救護員多年，見盡因為非緊急召喚，而令「好多真正危急需要buy time（爭取時間）嘅病人」失救之憾事，

「有人dba（dead before arrival，到院前死亡），10分鐘內冇人救可以死緊，每遲一分鐘救佢就少10%生存機會，不過sorry，你嗰區冇晒車，要其他區嚟，最後失救......真係數不盡......救人嘅時間好重要，但永遠都係咁，啲救護車去晒做頭暈、腳痛腳腫、發燒、瞓唔到食唔到、便秘肚痛......」

此事引來網民熱議，有人表示「講嚟都嘥氣，邊個最危急，永遠係自己，就好似肚痛嘅嘢可大可小㗎嘛 , 腹膜炎點算呀！梗係要去醫院檢查吓。去醫院呀！梗係坐救護車啦！一陣有乜嘢事點算呀！」亦有網民稱「我就算喺街休克、嘔晒泡，已經黑晒畫面睇唔到嘢，都冇call過救護車，都係叫朋友幫我截的士去醫院，然後去到醫院帶我上救護車轉醫院咋。」、「一般市民已經忘記咗，無生命危險去急救室可以自己坐車去。」

自私子女 ︳九旬父無進食全身爛肉味召救護車，不孝子女嫌臭拒幫父親如廁換衫，詳情即睇：【下一頁】

每朝索取《晴報》：精明生活．健康家庭．開心娛樂

責任編輯：李凱晴