The ONE、皇室堡、新港中心聯手 7折網上購券 消費折上折

每年聖誕節黛安都會送禮物畀好姊妹，最近收到風，The ONE、皇室堡同新港中心，由即日起至下月31日會聯手推出「e-SHOP大型網上購券平台」，可透過平台以7折買入3大商場共逾60個人氣品牌禮券，店舖涵蓋衣、食、住、行、玩5大範疇，所有禮券都可以與商戶其他優惠同時使用，變相可享折上折優惠。

聽公關姊妹講，The ONE同皇室堡仲合作搞咗個AI智能語音落單平台「芝麻開飯」，只要喺兩間商場掃描相關程式QR Code，場內參與食肆嘅菜單就會一目了然，揀啱心水餐廳後，對住手機「嗌」嘢食就可以直接落單同畀錢，真係疫情下出外用餐嘅好幫手。即日起至本月15日，用呢個應用程式仲有折扣優惠㖭。

The ONE同皇室堡仲有bonus畀大家，即日起只要消費滿指定金額，就有機會換領口罩、面罩等禮品，數量有限㗎！