Pacific Coffee與Fluffy House 聯乘推聖誕商品

雖然距離聖誕節仲有兩個幾月，但喺抗疫疲勞下，相信好多人都想感受下節日嘅歡樂氣氛。黛安收到風，Pacific Coffee今年將會同香港原創品牌Fluffy House聯乘，推出多款限定商品，現時產品已喺官網登場，只要成為Pacific Coffee會員，就可以率先喺網上認購喇。

黛安就睇中賣$238嘅矽膠杯蓋收藏套裝，當中包括3款矽膠杯蓋，杯蓋上可以收納萬字夾等小文具，蓋頂更有隱藏版聖誕馴鹿白雲先生助陣，實用又可愛。如果想要埋彩虹妹妹、小雨點等角色，就要網上訂購先可以集齊，因為到11月正式推出時，換購款式只會隨機派發。

好姊妹就準備買「大肚杯／泡茶器／月曆」套裝，佢話大肚杯同泡茶器有近期大熱嘅湖水綠同奶茶色，可以為沉悶生活增添生氣，呢個套裝更包括慈善月曆，月曆內有每月優惠券，總值超過$300，加上每售出一個月曆，Pacific Coffee就會向「愛心聖誕大行動」捐出$10，幫助本地有需要嘅人。即日起至本月18日，想預購可【按此】登入。