【劇痛入院】林子博妻被醫生「消極建議」潑冷水 做破壞神經線手術「止痛」戒嗎啡

藝人林子博太太董燕君（Shirley）患上罕有癌症平滑肌肉瘤（腹腔），去年底完成為期半年的化療，但最近Shirley因病情反覆，突然感到劇痛，而需入院留醫。出院後Shirley指醫生只是用含嗎啡成份的藥物幫她控制病情。近日她指自己已食了20日嗎啡藥，因副作用越來越多，所以決定戒掉。

{{hket:inline-image name="116401503_10222768783037686_1145063340384931710_n.jpg"}}{{/hket:inline-image}}

(Facebook圖片)

相關新聞：【指醫生已經盡力】林子博太太靠嗎啡針止痛又暈又嘔 出院報平安：希望唔好再無端端痛

Shirley日前於社交網中更新她的近況，指自己食了20日嗎啡藥，但因副作用越來越多，而決定戒掉，不過戒藥後卻令她有很多不適反應出現。「我而家個感覺好似吸毒戒白粉一樣！流鼻水、腹痛、發冷、嘔心、失眠、厭食、肌肉疼痛及不安。最令我覺得辛苦嘅係不安！原來一個人有不安情緒係好辛苦！兩日我都就快頂唔順，仲要捱七至十日！救命！都唔知點算！」

{{hket:inline-image name="fhf.jpg"}}{{/hket:inline-image}}

(Facebook圖片)

而Shirley最近再入醫院，醫生為其做了微創治療，她說：「上次（1/8）入病房第一個見嘅醫生，佢同我講，如果你有事，我哋係唔會用心肺復甦法搶救你，因為你做過化療啲骨好脆弱，會承受唔到，我當時心諗，點解講到好似就快死咁嘅！今次（21/8）再入醫院，我再次見到呢個醫生，因為我個腫瘤好痛，佢幫我做咗一個微創治療，做之前，佢同我講，做咗都好嘅，如果你有咩心願未了，襯呢段時間可以做埋佢！又係講到我好似就快死咁！」

{{hket:inline-image name="vcz.jpg"}}{{/hket:inline-image}}

(Facebook圖片)

林子博亦留言為Shirley打氣，指：「點解有啲醫生，可以做到顧問醫生、甚至教授？因為佢哋有鍥而不捨嘅精神，不斷思考同研究點樣醫好病人，唔會咁輕易放棄！所以有料嘅醫生，更加唔會同病人講一啲放棄嘅說話。雖然睇你呢個係腫瘤科醫生，但好明顯佢只係打份工嘅心態，少做少錯！唔做唔錯！老婆，呢位醫生唔使理，因為佢唔係你嘅主診醫生！」

{{hket:inline-image name="vxcv.jpg"}}{{/hket:inline-image}}

(Facebook圖片)
而林子博在接受《晴報》訪問時表示其太太現在留醫，昨日剛完成微創手術。「太太仲係醫院，仲好唔舒服，因為嗎啡藥副作用仲係度，要搣甩嗎啡癮要一星期到十日時間，肚入面個腫瘤好似愈來愈大，壓住某D器官。而尋日太太完成微創手術，醫生係太太腰椎破壞一組腹腔連接大腦的神經線，但唔係永久，係暫時性，可能只維持約半年唔會將痛楚傳輸上大腦，不過聽太太講做完都好似作用唔大。」

{{hket:inline-image name="117039474_10157116890707680_1907739431257805206_o_600.jpg"}}{{/hket:inline-image}}

(Facebook圖片)

相關新聞：【出院回家休息】林子博領養可愛狗仔陪太太抗病 為寵物絕育煩惱上網問意見