近排受疫情影響,藝人工作量都大減,唔少明星轉戰抖音拍片,希望可以開拓另一個市場,增加收入。現年54歲嘅羅霖一向係圈中岀名嘅「美魔女」,保養得極好,皮膚細緻光滑,加埋fit到爆嘅身形,真係話佢30到尾都有人信,所以由羅霖教大家保養就好有説服力啦!日前佢喺抖音拍片,教各位只要食7種食物,就可以愈變愈靚,人人都可以做到「美魔女」!
相關新聞:【做到80歲】羅霖大仔L.A讀Law半途而廢返港 過百萬付諸流水因為讀唔掂?
54歲嘅羅霖keep得好好(圖片:羅霖微博)
影片唔算長,大約只得30秒,羅霖表示食得啱,可以令人有更好嘅眼耳口鼻牙齒等。她表示:「有的人天生五官精緻,膚白貌美。而你嘴唇發烏,臉色蠟黃,怎麼看都像個黃臉婆,記住這些器官喜歡的食物,讓你越吃越好看。」羅霖説紅蘿蔔對眼睛好,而蕃茄就對皮膚好,至於核桃就對嘴唇好等等。
(影片截圖)
(影片截圖)
(影片截圖)
(影片截圖)
(影片截圖)
(影片截圖)
(影片截圖)
(影片截圖)
羅霖與前夫劉坤銘2013年結束18年嘅婚姻,兩人育有三個囝囝,離婚後協議共同擁有三個兒子撫養權,曾傳出家暴和追討贍養費等消息,但現時兩人已經達成和解。離婚對羅霖係人生重大挫折,曾試過匿喺房間以淚洗面,唔願見人,仲諗過自殺一了百了,但佢最後憑宗教信仰,加上為咗三個仔同父母,決心要企返起身,復岀工作賺錢養家,幾年前更以50歲嘅年齡推岀寫真集,又拍攝尺度很大的電影《愛尋迷》,相當勇敢有自信!
羅霖與三個兒子感情很好(圖片:羅霖微博)
保養得好好嘅羅霖離婚後身邊不乏追求者,曾經同小鮮肉男友J君影過婚紗相,但最終關係都冇再進一步。羅霖就話現時要專心照顧三個囝囝,要等佢哋都畢業先會再考慮拍拖。
(圖片:羅霖微博)
撰文:羅慧怡
責任編輯:楊安莉