44歲歌手小肥（徐智勇）喺香港入咗行13年絕少緋聞，早年曾經因為於微博關注多位大隻男而被懷疑係同性戀，當時小肥激動否認。不過近日小肥接受陳志雲YouTube頻道《Stephen．傾》訪問時，突然公開佢係同性戀者。
{{hket:inline-image name="photo2.jpg"}}{{/hket:inline-image}}
（大會提供）
{{hket:inline-image name="94402789_173356907468661_7128173000309141754_n.jpg"}}{{/hket:inline-image}}
（小肥IG）
外間亦一直猜測志雲係同性戀者，但佢從未承認，志雲於訪談中直問小肥：「有件事你同我好似，記者成日問我係咪鍾意男人？有好多人咁問過你，你通常點樣耍開佢哋？」
{{hket:inline-image name="photo4.jpg"}}{{/hket:inline-image}}
（大會提供）
小肥回答話自己未準備好：「其實一路都驚，心裏面有啲負擔...…」小肥指自己去到28歲先確定「某啲嘢」，確定之前佢都一直否定緊，因為習慣同埋恐懼，驚如果承認咗「某啲嘢」會唔知點。
{{hket:inline-image name="117104936_227013498525064_2229650051324751646_n.jpg"}}{{/hket:inline-image}}
（小肥IG）
小肥指直至2017年製作專輯《睡前服》，專輯主題講坦白，令小肥頓悟佢唱歌想帶出一啲意思，就要身體力行。小肥指監製康家俊等人都有問佢，如果他朝一日，記者再問佢，佢會唔會坦承。小肥深思後表示：「我想坦白，但係好難衝破，唔知點解。」
{{hket:inline-image name="117142619_1175019056197714_1115046702827193156_n.jpg"}}{{/hket:inline-image}}
（小肥IG）
志雲單刀直入問小肥係咪講緊承認佢嘅性取向？小肥自然反應地點頭：「係呀！」小肥都畀自己突如其來嘅坦白嚇到手足無措：「點講呀，我未準備好去面對，未行第一步，第一步畀咗你。你真係大師，回想起2017年，如果真係有人問到我，我點呢？我其他都耍走佢，唔知點解你一問我，我覺得好似係時候要行呢一步。」
{{hket:inline-image name="117045996_104047238031133_5265320841345810897_n.jpg"}}{{/hket:inline-image}}
（小肥IG）
{{hket:inline-image name="photo3.jpg"}}{{/hket:inline-image}}
（大會提供）
{{hket:inline-image name="117335574_109317890794360_5616275715115046348_n.jpg"}}{{/hket:inline-image}}
（小肥IG）
小肥喺訪問過程中淚流滿面，可想而知佢一直幾咁壓抑。
{{hket:inline-image name="phot.jpg"}}{{/hket:inline-image}}
（大會提供）
小肥今日就喺自己嘅社交平台話佢仲係驚魂未定：「嚇親大家，唔好意思。仲好緊張，但我自豪。」呢個Post一出，即刻好多藝人朋友留言撐。
{{hket:inline-image name="111.PNG"}}{{/hket:inline-image}}
{{hket:inline-image name="222.PNG"}}{{/hket:inline-image}}
（小肥IG）
林奕匡、雷深如、藍奕邦、方力申仲有同小肥同樣嚟自澳門嘅陳慧敏等藝人都力撐小肥！（小肥IG）
小肥出櫃喺網上都引起咗討論，大部分嘅留言都非常正面，戥小肥高興終於唔使鬱住！有人都心痛小肥喊到咁一定係好大壓力，更指依家已經係2020年新時代，社會大部分人都唔會歧視同性戀，希望佢可以放心做自己咁話。
撰文：黃蘊姿
