Pacific Coffee 28歲生日 買咖啡助基層兒童學音樂

Pacific Coffee今年踏入28歲，大家去買蒸餾咖啡，仲可以支持本地慈善機構「音樂兒童基金會」，為基層學童提供免費學音樂嘅機會！黛安知道，佢哋今個月每賣出1杯以限量版彩繪紙杯盛載嘅標準裝及大杯裝蒸餾咖啡，就會捐$1畀基金會。店內亦會推出28周年限定環保袋連燙章DIY套裝，只要每售出或換領一個環保袋，Pacific Coffee都會向基金會捐$10，下個月店內亦會設捐款箱為基金會籌款。另外，早前Pacific Coffee籌辦咗「彩繪杯大募集」，得獎者除可獲得獎學金外，作品仲會製成標準裝及大杯裝彩繪紙杯㖭。