正在閱讀
Title

恒隆地產「疫」境見真心員工福利不減反增

港聞

發佈時間: 2020/06/29

疫情持續至今仍未完結，唔少打工仔被迫放無薪假、減人工，甚至收大信封，黛安每次聽到都覺得好無奈。不過，最近終於有番啲令人開心嘅消息喇，就係恒隆地產竟然「反其道而行」，佢哋唔單止承諾唔裁員、唔減薪，仲喺呢個時候增加員工福利，增設多1日有薪假期畀員工，真係好難得啊！

恒隆公關姊妹話，今年係集團成立60周年，公司為咗與一眾員工同樂，所以特別由今年起增設「集團成立紀念日假期」，全體同事都可以喺原本嘅有薪年假之外，每年額外享有多一日有薪假期！

除咗多享一日有薪假，黛安知道，恒隆亦實施咗14星期全薪產假、彈性上班時間（即員工可以選擇喺朝早8點至10點之間返工）、在家工作安排、便裝星期五等等，呢啲推動工作生活平衡同埋家庭友善嘅政策，公司咁為員工設想，喺恒隆打工真係好幸福，令人羨慕！

撰文: 黛安消息特靈八卦公關
欄名: 八卦名利場