【結婚VS分手】拍拖8年向女友求婚後想反悔 港男細數4宗罪︰佢唔係我想要嗰類

婚姻是一輩子的承諾，許下承諾前需三思。一名男士在網上指去年向拍拖8年的女友求婚，惟及後發現對方不是自己心目中的理想類型，更謂當初求婚只是「負責任」，又列出女友「4宗罪」，坦言想悔婚並分手。

該名男網友今日（8日)在連登討論區以「拍拖八年求咗婚買咗樓 想分手」為題發文，指去年與拍拖8年的女友求婚，近日發現對方與自己的「理想女友型」不符，

「我同我女朋友都around 30（約30歲）一齊差唔多八年，我上年因為有一種負責任嘅感覺求咗婚，我依家先慢慢發覺佢唔係我想要嗰種嘅類型。」

在兩人相處之間，他發現女友性格與生活習慣有4大問題，令他對這段8年情作出懷疑。樓主表示「幻想唔到同佢嘅將來」，更出現「開始睇唔起佢、嫌棄佢」的感覺。

以下是他列出女友的4大罪狀：

1. 情緒管理

樓主的女友每份工都需要加班，當女友面對工作壓力時，容易將負面情緒帶到他們的相處上，令樓主感到十分疲倦，「開頭我都會氹吓佢或者講『唔開心就轉工啦』，或者一齊同佢分析吓，但係轉得一兩次我冇辦法再同情佢，或者好似以前咁慢慢分析」，

「反而覺得佢咁大個人，成日將工作或者工作嘅情緒帶到去我哋兩個生活入邊，我好唔鐘意好攰，得你有壓力啊！」

2. 不夠溫柔

樓主表示女友在日常生活中對話都是較倔強，但女友會以「對住你先至係咁樣」為由去掩飾，樓主認為自己從來不是大男人，但面對女友這種相處模式，他心灰表示︰

「我心中其實知道佢冇可能變到我心目中想要嘅小鳥依人，只係七八年前拍拖我覺得呢種感覺舒服，但今日我發現自己變咗。」

3. 無儲錢習慣

樓主知道女友想盡快同居，故一直發憤儲錢，甚至放棄自己的興趣，一心只為未來努力。然而，早前問到已投入社會6年的女友的儲錢進度時，對方才向樓主坦白「無咩點儲，得幾皮嘢（幾萬元）」。直到樓主有能力搬出自住，女友又多多要求，「佢又堅持唔租話要買樓，到買樓又嫌人開放式，blah blah blah 」，令樓主大感無奈。

4. 性生活不協調

樓主又提到，與女友拍拖多年性生活不協調，加上女友沒有好好保養自己身形，令他開始嫌棄對方。

網民籲早日分手 VS 勸毋忘初衷

此事引來網民熱議，不少人認為樓主只看到女友的缺點，對女友已沒有愛，並籲樓主早日放下「都唔愛啦，而家嘅你淨係睇到缺點，放手吧，放過自己放過對方」、「講到咁樣，一齊嚟仲有咩意思」、「真心，唔好同一個你唔鍾意嘅人結，到時離婚你仲煩」。

八年感情絕不容易，有網友則好言相勸，「唔通無任何值得留戀優點」，「又或者你會唔會嘗試諗返，你哋兩個當初一齊嘅初衷係乜嘢？你又愛佢啲乜嘢？」樓主就認為自己想法不夠全面及細心，更直言可能因為受負面情緒影響，才會放大女友缺點。

撰文︰潘迦晴