【伯伯有14萬IG粉絲】林芊妤囝囝德彥即將退出BB KOL 「唔想佢將來太不可一世」

林芊妤（Coffee）前年為兒子翟德彥（伯伯）開設IG賬戶，短短一年多便吸納超過14萬位粉絲followers，相當受歡迎。每次Coffee為囝囝開直播，都吸引不少粉絲追看及留言，高峰期有2千多人同時追看，特別是還是嬰兒期的伯伯表情豐富，對答又傻頭傻腦，令不少網友都大讚可愛。惟日前Coffee在社交網突然宣布囝囝將會慢慢退出BB界KOL，她留言說：「今日19個月啦，仲有幾個月，呢個IG就光榮引退，唔駛（使）再活在女魔頭嘅鏡頭下，可以隨心所欲咁出糧飲奶奶。#大佬心很累 #係釋放嘅氣味呀 #條眉都攰啦 #癲奶俾定心理準備大家」此POST一出，令不少「伯粉」感到十分不捨，紛紛留言嗌唔好。Coffee接受《晴報》電話訪問時表示：「依家有時用鏡頭影佢，佢開始會怕醜。」

相關新聞：Coffee林芊妤甫相慘被罵活在平行時空 高情商64字回應獲網友力撐

{{hket:inline-image name="coffee5.jpg"}}{{/hket:inline-image}}

（圖片：翟德彥IG)

{{hket:inline-image name="15.jpg"}}{{/hket:inline-image}}

（圖片：林芊妤IG)

Coffee自從做了KOL教網民做瑜伽後，人氣有升無減，其個人IG賬戶更高達78.7萬位followers，除了瑜伽片段外，Coffee亦不時上載囝囝的生活點滴，令囝囝的可愛模樣曝光。其實早在囝囝嬰兒時期，Coffee已為他開設賬戶，而囝囝未夠10個月大已經有25磅的米芝蓮肥美身材，加上充滿厭世的佬味表情，因而被暱稱為「伯伯」，其肥嘟嘟又麻甩的形象大受網民愛戴。而Coffee亦都一早已表明謝絕一切廣告，只想紀錄一下伯伯的童年趣事。

{{hket:inline-image name="12.jpg"}}{{/hket:inline-image}}

（圖片：林芊妤IG)

{{hket:inline-image name="97050208_281783479890185_5239501895743160558_n.jpg"}}{{/hket:inline-image}}

（圖片：翟德彥IG)

不過Coffee日前卻在伯伯的IG留言：「今日19個月啦，仲有幾個月呢個IG就可以光榮引退，唔駛再活在女魔頭嘅鏡頭下，可以隨心所欲咁出糧飲奶奶 #大佬心很累 #係釋放嘅氣味呀 #條眉都攰啦 #癲奶俾定心理準備大家」，宣布伯伯將會淡出自己的IG賬戶，但不少伯伯的忠粉卻大為不捨，紛紛留言：「唔好退休啦伯伯，每日都要去你嘅IG會一會你呀」、「伯伯IG退休，咁我地點算呀？會令人失去歡樂」，亦有粉絲表示支持，「雖然好唔捨得你，但伯伯大個仔了，要有返啲私穩嘅」、「鏡頭下不能自由做自己，不捨也支持」。

{{hket:inline-image name="coffee4.jpg"}}{{/hket:inline-image}}

（圖片：翟德彥IG)

{{hket:inline-image name="coffee1.jpg"}}{{/hket:inline-image}}

（圖片：翟德彥IG)

本報昨日致電Coffee，對於快將兩歲的囝囝要退出KOL界，她表示：「啲網民真係好激動，其實初時我哋幫伯伯開IG，係想紀錄佢啲搞笑得意嘢，但估唔到反應咁好，我有同老公傾過，小朋友兩歲開始有自己思想，但如果長期喺鏡頭下成長，我唔知有咩影響，依家有時用鏡頭影佢，佢開始會怕醜，知道鏡頭會影佢，會紀錄佢嘅動作同表情，我唔想令伯伯覺得自己與別不同，因為佢都冇付出過，唔想佢將來太自大、太不可一世，想佢過番啲普通人嘅生活。」

{{hket:inline-image name="96400338_2521453198107059_2161251427339091130_n.jpg"}}{{/hket:inline-image}}

（圖片：林芊妤IG)

{{hket:inline-image name="coffee6.jpg"}}{{/hket:inline-image}}

（圖片：翟德彥IG)

不過，Coffee強調伯伯會慢慢淡出KOL界，不會一下子「消失」，她說：「我暫時亦未決定伯伯的IG賬戶會關閉定係設定為私人賬戶，佢都會繼續出現喺我IG，伯伯咁得意，我又點會忍到啦吖，哈哈！我唔會突然閂晒嘅，都知好多人鍾意佢，對啲網民嚟講太大打擊，慢慢滲吓滲吓，放定風畀大家知，等大家慢慢接受。」

{{hket:inline-image name="93157106_1601639409987348_2073686570051544847_n.jpg"}}{{/hket:inline-image}}

（圖片：翟德彥IG)

撰文：倪小珊