Coffee林芊妤啱啱生完BB，已經極速修身，睇佢啲相條腰瘦過好多無生過小朋友嘅女人，真係羨慕死人！不過開心背後，實情有苦自己知，事關囝囝Baby Chak認真難湊，Coffee仲幫佢改咗個花名叫「翟伯伯」，估唔到阿仔只得3個月大，已經玩到佢謝晒：「囝囝都比較痴身同難照顧，一晚醒好多次，搞到晚晚無覺好瞓。自從陪月姐姐開我後，我黑眼圈勁咗，個人攰咗，皮膚暗咗，精神差咗，時間少咗。」
Coffee仲投訴翟伯伯人細鬼大，仲好奸添：「平時我係屋企佢唔會喊，⼀片寧靜，我一岀街佢就喊，有次岀咗街一個鐘我就投降心軟番屋企。」雖然苦水多到成匹布咁長，不過睇見囝囝生得咁可愛，相信再苦都係值得嘅，Coffee仲專登幫囝囝開設社交網站，不時大晒可愛靚相，睇吓翟伯伯手臂幾多肉，真係可愛到震呀！
{{hket:inline-image name="wwwwwwwww.jpg"}}{{/hket:inline-image}}
{{hket:inline-image name="ddddddddd.jpg"}}{{/hket:inline-image}}
{{hket:inline-image name="vvvv.jpg"}}{{/hket:inline-image}}
而除咗Coffee鍾意放閃，其實仲有好多生咗小朋友嘅藝人，成個IG都係BB相，而呢啲星B同搞鬼得意，以下幾位分分鐘喺娛樂圈未來棟樑！
陳柏宇囡囡Abigail
Jason自從去年9月榮升做爸爸之後，化身「哂B狂魔」，成日喺IG上傳囡囡嘅搞怪相，搞到網民都係咁求Jason放過囡囡，仲話小心阿Abi大個嬲咗爸爸喎。
{{hket:inline-image name="hhh.jpg"}}{{/hket:inline-image}}
{{hket:inline-image name="gggggggggggggg.jpg"}}{{/hket:inline-image}}
{{hket:inline-image name="jjjjj.jpg"}}{{/hket:inline-image}}
胡杏兒囝囝Baby Lee
好多人係為咗Baby Lee而追蹤胡杏兒嘅IG，因為佢眼仔碌碌，而且超好肉哋，絕對係「米芝蓮bb」，加上經常流露岀天然呆嘅可愛表情，難怪成功收服一班網民嘅心！
{{hket:inline-image name="876.jpg"}}{{/hket:inline-image}}
{{hket:inline-image name="gggggggggggggggggggg.jpg"}}{{/hket:inline-image}}
{{hket:inline-image name="t.jpg"}}{{/hket:inline-image}}
鍾嘉欣仔女Kelly、Anthony
Kelly、Anthony盡得嘉欣bb同爸爸Jeremy嘅良好基因，佢哋兩個都眼大大、好可愛，笑得勁甜美，雖然嘉欣唔係時常將仔女嘅照片上傳到網上，不過post親都好多網民點讚！
{{hket:inline-image name="dddddddddddddddddd.jpg"}}{{/hket:inline-image}}
{{hket:inline-image name="000000.jpg"}}{{/hket:inline-image}}
{{hket:inline-image name="fgh.jpg"}}{{/hket:inline-image}}
周汶錡囝囝Jacques、Avner
Kathy與法籍老公Julien結婚5年多，育有兩個可愛嘅囝囝Jacques同Avner，身為混血兒，細細個五官已經好精緻，而且佢地勁有表演細胞，萬聖節扮吸血鬼似模似樣，聖誕節cosplay聖誕老人又萌到爆！
{{hket:inline-image name="ccccccccccc.jpg"}}{{/hket:inline-image}}
{{hket:inline-image name="hhhhhhhhhhhhhhhhhhh.jpg"}}{{/hket:inline-image}}
{{hket:inline-image name="987.jpg"}}{{/hket:inline-image}}
