自從上個月Coffee林芊妤剖腹誕下仔仔，榮升媽媽的她不時在社交平台大曬bb相，又描寫做母親後的緊張心情，與粉絲一同分享喜悅。而昨日Coffee趁仔仔滿月上載餵人奶相，打開黑色睡衣鈕扣露出大半邊乳房，身體力行支持母乳餵哺（breastfeeding），為餵人奶的媽媽做榜樣。雖然餵人奶要有無比毅力與耐性，但她至今仍然堅持，再加上香港近年積極提倡餵哺母乳，Coffee深信人奶才是最好。不過此行為卻引發不少網民留言討論，有人覺得場面太咸濕，批評Coffee想show off身材；不過亦有人力撐畫面溫暖有愛，她只是做一個媽媽應該做的天職。對於因為餵人奶爆發罵戰，Coffee都顯得好無奈：「其實係好幸福嘅事。」
正反網民爆發罵戰 Coffee親身回應
Coffee身為瑜伽導師，又喜歡在Youtube分享做運動教學短片，不時穿上三點式或sport bra，身形弗爆，吸引很多男網民留言表示視她為幻想對象，所以今次的餵人奶相，就令不少網民即時對號入座：「睇開coffee ig都知幾乎個個post都盡show火辣身材，引嚟唔少男性留言，此舉不禁令人質疑佢係咪帶住支持餵母乳呢頂帽去露身材，亦係個post最令人反感嘅地方」、「餵奶真係天經地義，但點解要放上網呢？莫非佢好中意廣大網民睇佢對奶？」亦有網民覺得即使Coffee想推廣餵人奶亦應該低調：「支持餵人奶，但絕對唔需要影個胸比人睇。」
雖然慘遭網民公審，不過亦有人支持Coffee做法，「原來過去鍾意post性感照，就唔可以post餵人奶？呢啲真係神邏輯」、「張相好溫馨，外國個個都post勁多呢種相」、「好多係女人妒忌人哋樣靚身材正，咩年代？難道女人要包到淨眼咩」。部份網民認為她形象健康又sporty，錯在身材太好、太努力鍛練，拍張照就被人誤會想賣弄身材：「 作為一個瑜珈老師同運動kol，post做運動、著運動衫嘅相好合理 ，唔覺得佢有專登拋胸，反而係show腹肌仲多」。而對於今次的罵戰，Coffee亦顯得好無奈：「其實只係一張好正常嘅相，相信我以前嘅泳衣相都性感過呢張掛？哈哈，我覺得今日係我第一個BB滿月嘅日子，想好好地喺自己平台post呢張相嚟紀念今日，因為其實係好幸福嘅事。」
餵人奶好處多但飽受歧視 Coffee身體力行做榜樣
其實對Coffee來說餵人奶絕不是易事，她更透露成功上奶的過程非常勞累：「需不停按摩胸部、不停喝炒米茶和媽媽煲的湯水、早午晚餐準時吃醫院的營養餐、不論夠不夠奶三小時就埋身餵寶寶。」而根據香港母乳育嬰協會的資料顯示，人奶能夠為BB提供全面的營養素（如蛋白質、脂肪、碳水化合物、維他命及礦物質等），能保護、鞏固新生兒脆弱的免疫系統，保護粘膜免受感染，減低患敏感症的風險。人奶除了是最完整的食物，直接餵哺還有助建立親密的親子關係，給予BB溫暖及安全感。可是目前公眾地方只有部分商場及政府物業設有育嬰室，餵哺人奶的空間嚴重不足，令部分計劃餵哺母乳的媽媽承受巨大壓力，所以身為公眾人物的Coffee做出此舉為媽媽發聲，無疑有助加深大家對餵人奶的理解，不應受歧視。