淘「半間屋」50吋電視 訂造碌架床 270公斤家具 運費超抵僅$459

網購成風，近年不少人網購家具或裝飾物，自行安裝，既彈性又能節省費用。一名女士日前在「淘寶」網購大量家具，包括50吋大電視、訂造兒童碌架床、床單、毛氈、床褥等，一共重270公斤（約600磅），運費僅港幣459元，大呼「好抵」，亦成功吸引不少網民留言大讚。

該名女網民日前（28日）在「淘寶開心Share」Facebook專頁上發文分享，指在內地網購平台「淘寶」購買大量傢俬電器及家居用品，包括50寸智能電視、訂造兒童上下格床、櫃內加建實木板、電視架、防蟎床褥、床單、毛氈、抽裝紙巾、密實袋、尿片、不織巾、垃圾袋、紫外光燈、碗碟、不黏鑊、男童家居衫褲、磁貼蚊網等物品，數量驚人。

女事主透露，該批貨物總重量達270公斤（約600磅），不過運費原來只需港幣459元，非常划算，不過問題是不會送貨上門，只送到屋苑樓下，她需自行搬回家。不過女事主認為，不送上門亦有好處，「方便喺樓下掉紙箱，上樓之後消毒再入屋」，更透露花費兩小時將包裹拆箱。從照片可見，目測有近20件包裹，當中不乏為大型家具，由女事主的丈夫搬運回家，她指丈夫以板車運送，「兩轉」就能處理完。

女事主對該集運公司「有讚無彈」，於是將其經歷分享，雖然有部份曾光顧過同一集運公司的網民表示，「呢間好多負評」、「我有件貨整唔見咗，佢唔認，係都話寄咗比我」，惟女事主則大讚該集運公司，

「暫時來講，咁多次都無試過唔見嘢同爛嘢，仲有2日左右到，啱哂我心急」

{{hket:inline-image name="20200429taobao02.jpg"}}{{/hket:inline-image}}

女網民將「淘寶」拆箱後直接棄置在垃圾場，非常方便。（圖片來源︰淘寶開心share@Facebook）

3000蚊「平裝」改造360呎安樂窩 戶主淘木紋地板DIY：好有滿足感【查看更多】

撰文︰劉紀瑩