近日有線電視《我老友係明星》邀請到鍾慧冰，帶她老友苑瓊丹分享演員生涯。想不到形象搞笑的苑瓊丹入行37年，演戲上曾遇過不少挫敗？
80年代，苑瓊丹投考設計學院不獲取錄，那段期間TVB碰巧拍到她扮用計數機的畫面，她自覺扮得幾似，於是到TVB、亞視報名入行。入到亞視，苑瓊丹做過第2女主角，正在上位，然而因口直心快累事，她說：「我後生好直，嗰陣用嚟用去都係嗰啲演員，我話：『呢個係乜乜派系電視台？』被人聽到...最後淪落到演路人甲，好難受！」
(亞洲電視截圖)
(有線電視截圖)
苑瓊丹從低做起，為加入影壇，自薦免費幫香港浸會大學傳理系學生拍戲，只收飯盒，車費都沒有。90年代，苑瓊丹獲邀以搞笑形象參演周星馳電影，如《逃學威龍》、《九品芝麻官》等。日日有戲拍，她自覺很風光，去到拍攝現場掉以輕心，讀急口令對白狂NG，被導演王晶窒：「佢話：『唔得喎，依家講唔到，第日點配音？』因為我好要面，我覺得好難堪，耳仔紅晒，踎喺地下...死喇，點算？好驚...」最後她咬緊牙關繼續講。
(電影截圖)
(有線電視截圖)
▼王晶
{{hket:inline-image name="15.jpg"}}{{/hket:inline-image}}
(王子涵instagram圖片)
苑瓊丹明白自己太驕傲，沒全面了解角色，故入TVB再培訓，做《真情》低B瓊、《封神榜》殷十娘等比主角更搶眼。當時有人話苑瓊丹劇接劇定有高層關照，她大爆真相：「譬如當時畀我100蚊一個月，簽合約佢話畀80蚊，我就話：『吓唔係呀？咁都得？我真係未見過！』佢話：『你依家咪試吓囉。』我話：『咁我咪唔撈囉！』」本來苑瓊丹不續約，但當時戚其義聽罷跟她說：「衰女你玩嘢？TVB攞到知名度就走？」然後轉告高層，高層親自約她食飯解釋始末，令她繼續留在TVB。自此，苑瓊丹很尊敬這位老闆，決心做好處境劇，所以多年都有好位置。
(TVB電視截圖)
(有線電視截圖)
苑瓊丹曾經同某位演員不和，她說：「佢做嘢唔認真，又遲到仲要發我脾氣，我唔得。」二人恩怨鬧到滿城風雨。前輩認為她不分尊卑，但她認為工作態度較重要，慢慢她覺得TVB太大競爭，她說：「好多人喺背後做好多嘢，佢哋好討厭，爭咩啫？」
(有線電視截圖)
最後，苑瓊丹選擇北上工作，卻遇上2大問題：「例如佢畀100蚊我，簽約得20蚊，佢話有人抽佣。」另外普通話成為她一大挑戰：「好辛苦，每次打完仗咁筋疲力盡，唔知佢哋講乜。」如今她講多了才應付到，更斥資千萬搞埋活髮產品生意，誓做女強人。
撰文：張芷晴
責任編輯：楊安莉