滙豐重視性別平等 女性高管比例將達30%

過去唔少管理及專業工作都男性做主導，其實女性都可以完美勝任㗎。公關姊妹話畀黛安知，多名香港金融服務界女性行政總裁喺2016年組成一個小組，義務推動金融服務業嘅性別平等，以及為女性人才投身金融服務行業開拓機會，噚日正值「三八婦女節」，全港16位女行政總裁特別拍攝短片，表達大家對兩性平等機會嘅支持，仲承諾推動職場多元。

小組活躍成員之一嘅滙豐，聘請員工時相當重視性別平等，除咗為多元化訂立指引、喺公司設置125間育兒室外，亦簽署咗由性別多元化活動團體「30% Club」發起嘅承諾書，承諾到2020年，女性佔高級領導層成員比例將達到30%！香港區行政總裁施穎茵鼓勵大家要用行動消除歧視。