STEM Sir教路 4歲開始砌出個未來 組裝工程師精神

近年STEM教育大行其道，不少家長都覺得這些有關科學、工程的概念難以入手。鄧文瀚老師（STEM Sir）今次就告訴大家學習STEM其實並如不想像中困難，更介紹一款積木遊戲，讓小朋友新年放長假於家中，也可以隨時在玩樂中認識STEM，寓學於樂。

STEM Sir擁18年教學經驗，在名校任教10多年，曾獲傑出IT教師獎及擔任大學客席講師，現在更是iSTEM Ed Association主席及STEM教育顧問。最為人熟知，必定是他在兒童電視節目任嘉賓主持STEM環節，亦是「STEM Sir」一名的由來。「好多家長覺得STEM就一定係機械人，其實唔係，喺日常生活好多事物都係STEM，都可以搵到切入點。」

今次他就介紹了一套組裝積木，非常適合親子同玩兼學STEM。「首先小朋友要數顏色積木然後分類，呢種觀察能力已經係資料搜集。然後要砌唔同部分，再合併一齊，就好似programming，將大問題拆解成小問題，小朋友可學到物維化、系統概念。」STEM Sir指學習工程不一定要動手做，「小朋友睇說明書、跟照指引、留心睇和聽，其實已經學習緊工程師精神。」此款積木4歲以上已經可以開始玩呢！

訓練表達能力

STEM Sir說開始時家長可讓小孩自由嘗試，加以觀察，再作引導。「玩時可以畀真嘅動物圖片佢哋對照，建立模仿能力，再問佢哋認為砌得似唔似。」小朋友在組裝積木的過程既可培養創建思維，更可訓練他們的社會智力。「之後可以叫佢哋present一次完成品，練習表達能力。」

他提醒，揀選積木時最緊要注意安全性，留意會否含鉛及掉漆等。「我會建議揀大件啲、colourful啲，最好可以一物多變，有唔同砌法，組合方便就可以重玩。」如果家中已有積木，STEM Sir指家長也可多加利用，依上述原則與子女玩耍，從中培養STEM精神。

Morphun英國幼兒教育STEM積木玩具

初階400套裝 $840

銷售網址︰https://app.grwth.hk/share/7/94847

鳴謝︰奧海城2期OC STEM Lab創意工作室、Chance for Kids

撰文︰王寶欣

攝影︰林良明

編輯︰余運慶

美術︰梁政敏