參加城市定向比賽 實踐低碳生活救地球

近年天氣愈嚟愈熱，大家都知氣候變化問題非常嚴峻。黛安知道，由世界綠色組織主辦嘅「地球‧敢『動』行城市定向比賽2019」下個月舉行，今年會以「尋找消失中的冬天」做主題，呼籲大家以步代車，實踐低碳生活，救救地球！

今年嘅城市定向比賽將於9月22號喺觀塘海濱公園舉行，仲特設「繽紛組」同「競賽組」兩個賽事，以隊制形式參與，每隊可由2至4人組成。成個賽事不設指定路綫，參賽隊伍可自行策劃路綫同制定策略，喺兩個鐘之內游走完觀塘、秀茂坪、牛頭角、九龍灣同啟德，透過團隊合作用最快速度徒步搜尋鬧市中多個檢查點，兼挑戰各項綠色任務。

其中「繽紛組」分為4個組別，包括有學生組、家庭組、企業機構組、非牟利機構組等；參賽隊伍要喺唔同檢查點完成體能同奪分任務。至於「競賽組」就分為企業機構組同埋公開組，參賽隊伍都要去勻多個檢查點嘅電子打卡器打卡，以速度同分數取勝。最高分數嘅隊伍仲可競逐冠、亞及季軍，贏走總值超過1.5萬蚊嘅獎品！即日起至9月1巳號接受報名，詳情可致電2117 1650查詢。記得齊齊報名探索社區啦！