大叔搭車過站嬲爆亂鬧乘客 男童勇敢發聲反被爆粗指罵

正所謂「你有壓力，我有壓力」，有些人在早上搭車趕返工可能寧舍心煩氣躁，但亦不代表要找人發洩。日前一名暴躁的「巴士阿叔」因認為有乘客阻住樓梯口令他無法落車，而在車廂內爆粗狂鬧。一名男童看不過眼勇敢地出聲勸交，卻反遭該名大叔指罵：「關你X事！」

有網民昨早8時許在Facebook群組「巴士的事討論區」發帖，指自己在巴士上目擊一名暴躁大叔大吵大鬧，

「呢位人士因在上層發夢中而未能落車，指責別人阻住佢，而事實上已落了20多人，車長才開車，有個小朋友都比佢鬧埋。」

{{hket:inline-image name="bus010820198.jpg"}}{{/hket:inline-image}}

從其上傳短片顯示，該名大叔邊落樓梯、邊爆粗怒斥前方乘客擋路，令他無法落車：

「冇人叫你頂X住我大哥！我點X知你唔X落車，你企喺我前面托X！……離X晒譜嘅，你唔落行開啲！仲話我唔落車！你喺我後面我唔怪你，你喺我前面頂X住我！」

隨後，該名乘客表示「我唔知道你落車」，惟大叔繼續得勢不饒人破口大罵。一名男童看不過眼，遂出聲勸交：「你咁鍾意講，你咪同司機講落車囉，你唔講？」大叔聽後隨即指罵男童：「關你X事呀而家！」

{{hket:inline-image name="bus010820199.jpg"}}{{/hket:inline-image}}

此事引來網民熱議，不少人對於大叔的行徑側目，紛留言批評道：「自己遲落車仲話人地阻住，唔識講唔好意思借一借？」、「行唔到咪好聲好氣問司機可唔可前面落囉！」、「有病就睇醫生！」同時，亦有網民大讚男童見義勇為，「最後個小朋友好正！」、「小朋友好波！」、「好勇敢的孩子！」

樓主亦進一步留言指出，其實行返去上個站都只是5分鐘內的路程，「何必要不停指責別人，係佢（大叔）自己最大責任」。