卡樂B慶祝25周年 推燒鵝味細蓉味薯片

卡樂B薯片可以話陪住唔少香港人成長，唔經唔覺更屹立咗喺香港25周年！為咗慶祝呢個特別日子，卡樂B仲破天荒推出咗兩款全新香港地道口味，兼期間限定嘅「深井燒鵝味薯片」同「細蓉味薯片」，每一塊都充滿地道特色滋味同情懷！

黛安知道，今次呢兩款全新口味薯片各具特色，其中「深井燒鵝味薯片」入口時鵝香滿溢，燒鵝嘅炭燒同醬汁味道配合得天衣無縫，簡直同啱啱出爐嘅燒鵝一樣咁可口；至於「細蓉味薯片」一放入口，則會散發淡淡鮮蝦餛飩鮮甜，兩款口味都充分代表着香港，保證一試難忘！

產品將於5月尾喺各大超級市場、便利店及零售店發售，建議零售價10.2元一包，期間限定又抵食，記住唔好錯過！