嫌太刺眼要求餐廳拆吊燈 港女拒調位大罵：好麻煩呀！

其實放過他人，同時亦是放過自己！有網民近日到荃灣一間連鎖餐廳用餐時，看到一名年輕「港女」不斷向侍應投訴，指桌上的吊燈光線太刺眼，要求將它拆下來。由於難以拆下，侍應建議安排港女與其同行男友人調位，惟港女竟發難大叫「好麻煩呀」，其後看過侍應的名牌後，更邊「黑面」，邊疑似低頭以手機打投訴信。對此，不少網民認為涉事女子是「極品港女」，直言：「睇到火都嚟！」

{{hket:inline-image name="light100520191.jpg"}}{{/hket:inline-image}}

港女要求侍應拆燈

樓主向Facebook群組「西客之道 Hispitality Secret」投稿，指事發於上月24日晚到「荃X廣場Euro XX」用膳期間，涉事女子與男友人正坐在附近高枱，「我落單前後都見條X港女又影相又係到整枱上嘅吊燈，話好光『棧』（正字為「掁」）住佢。佢男友人亦用紙巾包住手唔知想拆咗個燈膽定點，但整唔到。」

此時，一名「做到冇停手嘅待應」經過女子張枱時，被女子截停，「因為坐得唔近聽唔清楚，但見待應有幫佢研究過，但真係拆唔到盞燈，就同X港女講盞燈Fix（固定）死咗整唔到。」樓主認為吊燈拆不下來十分正常，「一盞吊燈由開業到而家，好地地點會無啦啦因為X港女而拆到落嚟？」

港女嫌麻煩不肯調位

因為始終不是高級餐廳、「待應都做唔到啲咩」，樓主原以為女子會收手繼續用餐，未料她竟然變本加厲，「我差唔多食完，條女重整緊盞吊燈。因為盞燈郁嚟郁去，都幾吸應(引)到旁人目光望住。今次叫咗個大粒啲嘅待應，眼見今次呢個好好人，落手落腳幫佢解決都唔成功，提議佢調位。」此時，女子竟突然「發癲」大叫：「好麻煩呀！」

{{hket:inline-image name="light10052019.jpg"}}{{/hket:inline-image}}

樓主：當時港女極度「黑面」

樓主形容，「佢個樣真係忘記唔到，塊面勁黑，黑到以為要人地斬咗盞燈落嚟或者幫佢裝修過間舖比佢嚟食嘢。」侍應只好道歉講「唔好意思」，但女子仍得勢不饒人，「個X港女即刻望人名牌，大大聲話『XX（待應個名）呀！』就拎住個手機黑住面keep住打字。相信佢係準備投訴或者學KOL咁叫人唔好去。」最後，樓主直言：「呢間餐廳真係好多位，期間好多人食完走，入嚟一定有位。而且個位係佢自己揀嘅，唔知佢嘈咩。」

網民炮轟港女：當正自己太后出巡

此事引來網民熱議，不少人認為女子十分「黑人憎」，「Euro xx食餐飯都要拆燈，半島食飯使唔使拆天花？」、「又唔係咩高級餐廳，乞衣港女又一呈獻」、「睇到火都黎，咁怕光就返屋企，咪搞到人啦，怕佢扭燈膽時電鬼死，就係呢啲」、「極品港女，戴黑超呀麻」、「當正自己太后出巡」。另有網民認為吊燈真的吊得太低，但指女子亦不應為此發難，「啲吊燈真係太光，盞燈set得太低。可以調位咪調，唔得咪唔好食囉，攪咁多做乜。」