只需3.5小時將茶漬杯變新 輕鬆清洗陳年茶垢【強嫂家務小知識】

又係我強嫂啦！平時大家有冇飲茶嘅習慣呢？我同強佬都係飲茶愛好者，最鍾意喺屋企沖個茶包慢慢嘆！不過飲得多，個杯變晒茶色，刷又刷唔走！強佬仲問我，點解最近懶咗唔洗杯！我呢啲咁注重清潔嘅靚太，就梗係要搵到個好方法清理佢啦！

我上網就見到有個靚媽分享，只需要幾個材料、3.5小時，個杯即刻變新嘅一樣啊！

初時我以為洗茶杯嚟嚟去去都係加梳打粉，點知原來加埋檸檬酸同過碳酸鈉，就可以洗到變新嘅一樣！

杯料︰梳打粉、檸檬酸、過碳酸鈉 (各(½ 茶匙)

我就忍唔住買齊晒啲材料，搵晒我啲茶漬杯出嚟做個測試！我見靚媽分享，最好就係浸佢至少3.5小時，如果浸嘅時間太短就只能夠再刷刷佢先甩晒啲茶漬。

{{hket:inline-image name="A.jpg"}}{{/hket:inline-image}}

{{hket:inline-image name="B.jpg"}}{{/hket:inline-image}}

嘩！一打開個杯，就已經有啲沉積物係到浮浮下。

{{hket:inline-image name="C.jpg"}}{{/hket:inline-image}}

再用個刷擦佢幾下

{{hket:inline-image name="D.jpg"}}{{/hket:inline-image}}

倒出嚟仲有啲啡色嘅嘔心液體

{{hket:inline-image name="E.jpg"}}{{/hket:inline-image}}

靚到同新嘅一樣啊！(呢啲係咪啲少女所講嘅「好治癒」啊？)

成個洗杯方法都唔使好多錢，我呢啲慳埋慳埋夠自己買個包包畀自己啦！ 嗱，呢條數你哋自己識計啦！

(嗚謝Oh我的雙牛寶貝兒提供資料)