阿里巴巴多元項目 積極推動環保

噚日係世界地球日，黛安聽阿里巴巴公關姊妹講，舊年阿里巴巴公益基金會嘅「清源行動」就支持咗20個項目，依家計劃已覆蓋全中國389個城市、1,312條河流啦！

姊妹仲話，基金會嘅自然教育領域項目，舊年已經接觸咗3,500萬人次，呢個項目其中一個亮點係同中國武漢政府部門合作，發動150多所學校，35萬名學生參加綠色研學，等下一代加入環保行列。

另外，阿里巴巴集團旗下嘅智慧物流平台菜鳥網絡都發起咗「回箱計劃」，係中國200個城市設立約5,000個回收台，等大家可以重用紙箱，減少浪費。

聽菜鳥嘅姊妹介紹，截至今年4月，支付寶螞蟻森林都吸引咗5億用戶參與，已種植咗1億棵真樹。