離譜！茶餐廳用膳小朋友便意來襲 媽媽出「一陽指」塞住被網民鬧爆

小朋友忍耐能力有限，如果出外時人有三急，家長應盡快帶他們去廁所；但即使多緊急都好，都不應用其他不合適的方法來處理。一名媽媽日前與家人到茶餐廳食下午茶，期間小朋友突然便意來襲，但她並沒立即帶小朋友去廁所，而是伸出「一陽指」塞住對方屁股，令在場其他食客感到震驚。此事引來網民炮轟，其中有人質疑：「廁所有幾難搵？要去到依個境界？」

有網民昨晚在Facebook專頁「馬鞍山之友 MOSers (Since 2014)」發貼，分享自己在茶餐廳目擊的嘔心一幕。他指出，當時自己正在享用下午茶，「前面個大陸家庭嘅小朋友話好急屎」；令人驚訝的是，該位媽媽竟然伸出左手食指，塞住小朋友屁股。對此，該名網民震驚之餘，亦不禁大呼：「真係好嘔心！」

此事引來網民熱議，不少人鬧爆該名媽媽「腦殘」，其做法十分有問題，完全不能接受，「仲係人嚟的嗎？」、「簡直係瘋癲」、「不知所謂」、「接受唔到」、「諗住塞住佢可以忍多陣，嘔心」、「痴線㗎，傾咩咁緊要唔俾小朋友屙」、「除左『痴X線』之外，再沒有另一個更貼切的形容詞」、「講都無人信，有圖先有真相，真係好X嘢，佩服到五體投地」。

另有網民認為，如果小朋友突然便意來襲，家長應立即帶他到廁所；若小朋友未能控制自如，外出時亦可使用尿片，「用紙尿片都好啊」、「完全唔明白點解唔即刻帶佢去廁所」。