【濫用殘廁】吸煙鬼混如開心樂園 失明人士怒轟：自私無良兼缺德

雖然不少商場及政府建築物都設有俗稱「殘廁」的「暢通易達洗手間」，但原來真正有需要的用家，卻面臨「如廁難」的問題！失明人士「麵包」昨日在其Facebook專頁「面包無眼睇」，發文怒轟殘廁經常被濫用，除了有人直接踩上廁所板外，更有人吸煙，甚至在廁所內「gathering」鬼混。麵包指出，他們一眾有需要人士因而被迫使用環境惡劣的殘廁，甚或等候良久也未能使用，令他們十分困擾。

「睇嚟麵包今日要大開殺戒，決議公開炮轟不當使用暢通易達洗手間即係俗稱殘廁！」麵包在文中表示，有一大班「又自私、又無良、又缺德」的人，經常濫用殘廁；而且，有人更是誇張，「有衰到貼地，比垃圾更垃圾嘅人：有啲不知所謂嘅人，貪方便就手，又唔肯俾錢租間房，喺裏面鬼混gathering，我哋呢班有需要用嘅朋友，要喺門外等你哋快樂玩到夠啦，我哋先有得去廁所呢個係乜嘢道理？」

{{hket:inline-image name="bread140320192.jpg"}}{{/hket:inline-image}}

他續指，在殘廁內吸煙「蛇王」的人更是多不勝數，「有啲人喺裏面吞雲吐霧食煙，快樂過神仙，我哋真正用家入去逼住食二手煙都算啦，好多輪椅朋友因為嚴重疾病需要用呼吸機，呼吸系統比一般人差好多，對煙味特別敏感，呢種無奈辛苦有幾多個人會明白體會得到？」同時，亦有人直接踩上廁所板，「好多肢體傷殘嘅朋友手腳協調唔到，攞張消毒紙巾抹廁所板嘅能力都冇，有幾多人會明白？」由於被人濫用，「個廁所搞到地下又濕又滑，好似去咗溜冰場咁樣，對於我哋睇唔到嘅朋友，用步行架唔方便嘅朋友，好容易引起意外受傷，有幾多個人會諗到。」

{{hket:inline-image name="bread140320194.jpg"}}{{/hket:inline-image}}

為避免殘廁再被濫用，現時部分殘廁均索性上鎖。雖然不方便，每次使用前都要先致電預約，但麵包指出，由於濫用歪風實在無法改變，「我同部份輪椅朋友都傾過呢個問題，我哋都要與時並進，既然都改變唔到，我哋寧願退而求其次暢通易達洗手間全天候上鎖，我哋寧願早啲打電話借用洗手間，好過個廁所變咗部份人嘅開心樂園，我哋用家就唔知點算。」

此事引來網民熱議，不少人表示支持麵包，認為問題值得社會關注，「殘廁應該留俾有需要嘅人」。同時，亦有人向麵包道歉，「Sorry，我試過在緊急情況下，女廁條龍長過水蛇春，迫住走左去殘廁解決」。對此，麵包表示：「其實呢同關愛座一樣，任何人都可以有權利用殘廁，唔通真係等到賴咩，最緊要我哋大家一齊有公德心自律，有需要一樣可以用，最多衡量下自己某情況下係唔係唔用殘廁唔得，如果緊急到一定要用嘅，係真係無可厚非嘅放心用啦，我自己全失明都係人，其他人一樣係人，好多嘢迫不得已大家都係明嘅，大家體諒大家啦！」