屋企門口驚見頭髮利是封 事主嚇壞驚搵替死鬼落降頭

新年流流，收到利是當然開心，不過近日一位連登巴打就於家門鐵閘發現掛住一個利是封，裡面裝的不是錢而是一撮頭髮！巴打深怕被人落降頭在連登討論區求救，網民回覆卻意外爆笑！

頭髮利是嚇餐死 「下世小心啲」

該位巴打發文指，「屋企比（畀）人咀咒，門口有封好多頭髮既（嘅）利是」，圖片可見一封全紅色、稍有破爛的利是封架於鐵閘上，裡面裝有一撮頭髮，有白有黑。當事人擔心為某種降頭，深怕會為自己帶來霉運遂上網求救。

當事人大驚，但網民普遍態度均為恥笑而非提供解決辦法，有人回覆指「下世小心啲」、「樓主rip」，有人更言之鑿鑿稱「我有個朋友上年又係俾（畀）人擺左（咗）封利是喺門口，今年新年要去墳場拜佢地（哋）年」，似乎認定事主劫數難逃。

亦有人提供台灣部落格連結，內容稱此舉是要「過災禍、轉霉運」甚至是要「找替死鬼」，指如不小心撿到頭髮利是封，應在49小時內交還原處，再以小石壓住利是封，即可化解撿拾者要頂替的霉運。

虛驚一場？「頭髮又唔係你嘅有乜好驚？」

《晴報》記者向堪輿學家麥玲玲請教，麥玲玲自言不是降頭專家，不過就覺得事主毋須過份擔心：「頭髮又唔係你嘅，人哋嘅頭髮有乜好驚？」

麥師傅又指，中國人確認為頭髮代表「晦氣」，亦即不佳氣運，過年時剪頭髮希望新一年順風順水十分正常，惟頭髮上的晦氣並不會影響到其他人，「如果真係咁驚，咪用碌柚葉或者黃皮葉洗下鐵閘，總之唔好咁易畀人影響！」