BBQ恩物廚師腸保得住 本港代理：廚師腸好快就會返嚟啦！

「美國廚師牌高級雞肉腸」（簡稱廚師腸）生產商Zacky Farms去年11月宣布破產，令到被封為窮人恩物的廚師腸一度成為炒賣對象，甚至有人囤積居奇，同時有人擔心這個港人集體回憶即將消失，然而DCH Valley Chef今日宣佈廚師腸回歸喜訊，預告「廚師腸好快就會返嚟啦！」

廚師腸回歸「美國製造、味道依舊」

由香港大昌行成立的廚師腸Facebook專頁「DCH Valley Chef」於18日凌晨公佈回歸消息，指「經過多個星期努力」終於能夠令廚師腸重現香港市場，

「我哋繼續以原來嘅獨家配方，美國製造，保留大家喜愛嘅味道！我地嚟緊會陸續發佈廚師腸的最新情況...」

味道惹熱議「唔鹹唔係廚師腸！」

網民紛紛留言歡迎廚師腸回歸，有人表示自破產消息傳出後已經在家囤積多包廚師腸，至今仍有存貨。不過最能引起網民討論的話題反而是廚師腸鹹度，部份網民認為廚師腸口味太鹹應當「減鹽」，同時亦有人力撐廚師腸應保持原味，指「唔鹹就唔係廚師腸」、「食少兩條咪得囉，做乜要（改）變咁多年嘅味道呢？」。

市面仍有售 一包約$30

廚師腸雖成為炒賣對象，炒價一度升上300元一包，目前市面上各大超市及食品公司仍有廚師腸出售，未有斷市情況出現但售價就明顯較上年底為高，當中百佳網上超級市場廚師腸售價為$29.9一包，HKTV Mall則售$32.9一包。