7-Eleven領取公共交通補貼 額外送$10現金券

明天（16號）公共交通費用補貼正式有得攞啦！黛安知道只要去7-Eleven就可以攞到，認真方便。

聽公關姐妹講，領取過程相當簡單，首先向收銀員表示想領取公共交通費用補貼，然後再拍八達通卡領取，咁就得啦。如果拍卡後未有補貼可以領取，收據上都會有顯示㗎。

姊妹話，即日起至今個月27號，市民只要喺7-Eleven成功領取補貼，就可以額外獲得$10現金券，分別係兩張面值$5嘅現金券，會以收據形式列印送出㗎，只要喺下次購物滿$15就可以用啦。留意返使用期限，係即日起至3月6號啊。