「國際燈光藝術展」 送你愛情鎖留甜蜜回憶

今日就係情人節喇！各位男士們準備好行程未？黛安就有好推介，位於中環海濱嘅打卡熱點「國際燈光藝術展」，今日將特別加推浪漫愛情鎖活動，大家只要喺今日下晝5點至11點前到場影相，再上載至社交網站同加入主題標籤#hkpulselightfestival，即可換領免費愛情鎖，畀你即時掛上場內特設嘅網欄上，非常sweet啊！

黛安知道，由即日至2月24日，「國際燈光藝術展」共展出15件海外同本地作品，其中有7件仲係以「愛與浪漫」作主題，好似有超過3米高嘅心形燈光藝術作品「心跳回憶」、以教堂彩繪玻璃為設計概念嘅「愛的幾何」等等，啱晒情侶去打卡放閃，兼玩埋愛情鎖，留住彼此嘅美好回憶，記住數量有限，送完即止啊！