54歲曹永廉扮可愛 網民笑稱：想車佢兩巴

54歲嘅曹永廉一向保養得宜，之前已經有網民將佢20歲、30歲、40歲同依家嘅相做對比，發現佢咁多年嚟個樣原來都冇乜點變，最恐怖係一條皺紋都冇，好似食咗防腐劑咁，結果被人封為「冰封俠」去讚佢童顏靚仔樣。

▼1991年

{{hket:inline-image name="14.png"}}{{/hket:inline-image}}

▼2001年

{{hket:inline-image name="15.png"}}{{/hket:inline-image}}

琴晚佢就著住波點西裝，打埋煲呔嘟住個嘴仔同田蕊妮合照，結果好兄弟蕭正楠就讚佢好似岳巴（oppa哥哥），引嚟好多網民激烈討論：「佢本身已經好後生，仲要扮可愛？」、「好想車佢兩巴！阿田好慘，喺佢隔離搞到好似家姐咁」係喎，41歲嘅阿田明明細佢13年，不過咁啱佢著住黑色deep v性感晚裝，行成熟大姐姐風，兩個拍埋一齊真係幾似姊弟！見到大家留言，風頭被搶嘅阿田都忍唔住寸曹永廉：「曹生確實chok出個智商來！高定低？」，點知曹永廉唔識死邊明爽邊回敬：「我真係好Q㗎姐姐！」，阿田終於忍無可忍：「請返個保鑣啦，我驚你隨時俾人打呀！」，最後曹永廉一句：「習慣晒，由細打到大啦！」，完咗呢場口水戰。

其實曹永廉自己好鍾意人哋話佢後生，之前有醫學美容中心睇中佢個童顏樣，邀請佢做剪綵嘉賓。佢一到埗就吸引好多市民圍觀，當時佢就好得戚咁話：「嘉穎皺晒皮，黃智賢個樣睇落仲大過我，其實佢年紀係細過我，仲有蕭正楠，有啲劇佢可以做我阿哥，佢真係要檢討吓！所以係我身邊嘅人老得快，唔代表我後生，希望佢哋注重吓，尤其係嘉穎唔好咁勞碌。」又難怪佢keep得咁好，原來曹永廉呢排多咗注意皮膚保養，好勤力敷保濕面膜同埋做facial，飲食上又實行少糖少鹽。入行咁多年，曹永廉性格好順得人，就算成日俾蕭正楠寸老都唔介意，好講得笑，心態開心啲冇咁多壓力，自然就唔會有皺紋。

▼2019年最新近照

{{hket:inline-image name="12.png"}}{{/hket:inline-image}}

{{hket:inline-image name="11.png"}}{{/hket:inline-image}}

▼亦有網民話曹永廉呢個look十足十動漫人物柯南咁，但柯南係小學一年級嚟喎！54歲仲可以望落似小學生？勁！

{{hket:inline-image name="13.png"}}{{/hket:inline-image}}

▼平時阿田同佢嘅互動都好好笑，睇得出佢哋感情好好

{{hket:inline-image name="17.png"}}{{/hket:inline-image}}

{{hket:inline-image name="18.png"}}{{/hket:inline-image}}