吳若希發表港女論 開腔反擊網民連日狙擊

吳若希的言行大膽，由出道開始已經引來不少是非，是網民爭論的對象。近日吳若希比之前更加慘慘豬，人心肉造，真係戥佢陰功！除咗同菊梓喬不和事件簿愈來愈厚之外，還在TVB節目《東京血拼攻略》頻頻失禮港人、於《流行經典50年》當住方力申唱鄧麗欣的代表作，由於講錯嘢頻率太高，搞到好多網民大鬧吳若希博見報。昨日有網民甚至將吳若希之前於instagram公審老公客人的舊事翻出，嘲笑娶她回來倒米。對於網民連日來的狙擊，吳若希終於開腔反擊，指自己只是跟公司指引做嘢，不過卻不敢肯定店舖有否批准：「呢樣嘢我真係唔知，拍攝嘅時候應該可以摸嘅，大家去旅行當然唔好啦。」由於有份同吳若希一齊錄影李家鼎、譚玉瑛主持的節目《阿爺賀歲攻略》，作為旅遊達人兼前輩杜如風忍不住出聲教精：「去古著店應有嘅禮儀係咩呢？直接俾錢就得喇，俾完錢你就可以點摸都得，所以真係唔好亂嚟。」

{{hket:inline-image name="13.jpg"}}{{/hket:inline-image}}

(TVB電視截圖)

{{hket:inline-image name="11.jpg"}}{{/hket:inline-image}}

(杜如風IG截圖)

{{hket:inline-image name="12.jpg"}}{{/hket:inline-image}}

(TVB電視截圖)

聽完前輩提點，吳若希無啦啦發表港女論，對於港女這個稱呼彈出又彈入，坦言不知道自己有甚麼罪：「我認我係港女，港女啫係咩但係？有啲咩罪？」，杜如風即刻笑笑口答：「靚啦、善良啦、心地好啦、有情有義啦，唔做朋友一流嗰隻！」，估唔到表面上係讚吳若希，實際上杜如風還是想借機提點一下，搞到現場的人都忍不住大笑。之後吳若希繼續講，言辭間似是想澄清自己不是港女：「可以以公司名義去shopping好難得，如果自己去就會好大洗，不過唔知點解公司冇sponsor買嘢。今次冇用老公張卡，通常我碌完卡佢會幫我找數，今次冇碌爆卡安全返嚟，之前拍《森美旅行團》已經買咗轉，其實最後我只係買咗一個普通袋仔。」

▼仲突然寸森美扮女人唱歌搶焦點

{{hket:inline-image name="14.jpg"}}{{/hket:inline-image}}

(TVB電視截圖)

▼森美即刻寸返吳若希明明好喜歡，仲扮她反應

{{hket:inline-image name="15.jpg"}}{{/hket:inline-image}}

(TVB電視截圖)

呢番言論再次引起網民不滿，他們批評吳若希死不認錯，又大讚杜如風是旅遊節目主持人的榜樣：「知錯唔認仲要大大聲」、「啲人話杜如風係港女，但人哋起碼尊重人地國家嘅規矩同文化先啦」、「杜如風話哂都留學日本，精通日文，點會唔大分別」等。但有人彈就一定有人撐，吳若希的粉絲就覺得大家錯怪了她，認為她其實是個好老婆：「有啲攞黎講，佢係咪得罪咗啲咩人？明明肯為老公生仔喺最風光時候暫停事業」、「佢好保護屋企人，係講嘢易俾人誤會啫」。