巨星熱心拍片為醫護打氣 網民唔領情惹批評

香港進入冬季流感高峰期，公立醫院爆滿，雖然前線醫護人員須長時間工作，工作量龐大，但他們仍然堅守崗位，盡心盡力為市民健康努力。醫管局知道大家壓力增加不少，隨即找來一班熱心藝人，如譚詠麟、謝雪心、陳慧琳、薛家燕、羅家英，還有曾在公立醫院做護士的楊千嬅、C AllStar的On仔等拍片為醫護打氣，衷心多謝他們的付出。當中譚詠麟一開始就高歌《愛是這樣甜》「期望每朝早 起身一吻紅的臉....」，充滿正能量；而楊千嬅則開腔希望各位市民多多包容，理解前線人員的辛苦。片段除了上載醫管局的YouTube channel，還製成電郵發送給前線人員，內容指在冬季服務高峰期同事工作非常忙碌，為感謝醫護的努力和專業精神故特意拍片為大家加油，最後提醒主管通知未有內部電郵地址的員工。

部份網民炮轟醫管局的行為不切實際、好離地，認為拍片打氣未能幫助解決人手嚴重不足這個最迫切的問題，反而應該盡快改善醫院惡性循環嘅狀況：「洗錢做騷得啖笑，浪費資源點解決問題？做啲實際啲嘅嘢啦」、「打氣當出糧，叫啲星精神上支持有如幸災樂禍般諷刺，不如直接俾多啲錢前線」等。不過其實藝人打氣原意是好，主要想喚起大家對前線人員的關注，拍片也只是能力範圍之內可以做得到的事，所以有不少網民力撐今次宣傳沒問題：「做善事都俾人鬧，全世界都冇人做啦！」、「佢哋咁有心，冇做錯嘢㗎喎，係咪要千嬅落埋場做先得？出咗事邊個揹？」、「拍片打氣唔代表之後冇解決方法，唔好未睇定就發癲鬧人」等。見到正反網民掀罵戰，你又點睇？

{{hket:inline-image name="13.jpg"}}{{/hket:inline-image}}

{{hket:inline-image name="11.jpg"}}{{/hket:inline-image}}

{{hket:inline-image name="12.jpg"}}{{/hket:inline-image}}