張智霖自爆婚變 袁詠儀嘲笑拋書包惹禍

張智霖與袁詠儀結婚18年，多年來一直咁恩愛，仲有個寶貝仔魔童，堪稱娛圈模範夫妻！不過早前佢哋就被人影到喺機場鬧交，靚靚仲嬲到同chilam分開走，事後靚靚喺微博承認雙方有爭執，但就強調夫妻總會有意見相反嘅時候，只要返到屋企就可以慢慢解決喎！

不過尋日佢哋又喺機場出事，事緣chilam上載同靚靚嘅合照，並留言話：「在機場，今日分道揚鑣」分道揚鑣四隻字一出，即時引爆網上討論區，有網民查字典後指出：「分道揚鑣的意思是分走不同的路。比喻人們分別發展和施展各自的聰明才智。比喻因志趣、目標不同而各走各的路。」令唔少人猜測佢哋係咪有婚姻危機，就連內地傳媒亦廣泛報道佢哋嘅婚變疑雲。隨著風波愈鬧愈大，靚靚喺今日凌晨兩點幾於微博作出澄清：「阿張先生呀！是分頭行事才對」嘲笑chilam拋書包惹禍，好彩證實原來只係虛驚一場，大家可以放心啦！

{{hket:inline-image name="GF.jpg"}}{{/hket:inline-image}}

袁詠儀微博