劉丹撞車唔賠錢 苦主發起網絡公審

隨住互聯網愈嚟愈發達，網民嘅威力亦愈嚟愈大，搞到好容易發生乜乜網絡公審、網絡欺凌！而最新主角竟然係《愛回家》嘅劉丹，事緣近日有聲稱是苦主的網民，開了一個名為「劉丹撞完車唔賠錢想走數」的帖文，上載劉丹在警車上的照片，並留言話：「人撞車，你撞車，自己錯叫你賠現金，私了咪算囉！又厭貴又成，你唔好夾硬cut線入來咪咩事都冇，唔使賠囉！明星大晒？馬路鋪左（咗）紅地毯畀你？準備扣5分啦！cam你保險啦！」

隨即掀起一場網絡公審，最初網民大多支持苦主，更取笑劉丹似足《愛回家》中的慳家角色：「愛回家d人真係個個做番自己」、「而家喺tvb拍得戲嘅人呀，質素都有限啦」不過其後出現另一批網民，反指所謂的苦主可能是獅子開大口：「第一日揸車？報警比保險公司跟有咩問題？唔通hi一hi花，你報10萬8萬人哋都要比你呀？」、「私了條數覺得唔啱咪報警等保險搞lor，就係明星先要報警，有個RECORD 先安心。」而且更有人炮轟所有嘢都係苦主一面之詞，劉丹根本無講過想走數。而隨住輿論大逆轉，該名苦主更被網民起底，將佢嘅生活照放上討論區展開公審，嚇到佢急急刪除IG兼潛水，可見網絡嘅威力有幾可怕！

{{hket:inline-image name="HG.jpg"}}{{/hket:inline-image}}

{{hket:inline-image name="SASA.jpg"}}{{/hket:inline-image}}

討論區貼文