7-Eleven x 小丸子 送旅行頸枕 陪你環遊世界

最近掀起一股櫻桃小丸子熱潮，黛安身邊個個同事都搶住去7-Eleven換小丸子禮物，嚟緊又有新驚喜喇！聽公關姊妹講，7-Eleven為咗延續大家嘅熱情，決定再次聯乘櫻桃小丸子，再將古靈精怪嘅小丸子同瀟灑有型嘅花輪同學，化身成連帽旅行頸枕，一於陪住大家衝出香港四圍去！

香港人成日去旅行，為咗把握時間，唔少人都會選擇凌晨機玩盡佢，一個舒服嘅旅行頸枕當然唔少得！所以7-Eleven今次專登用大家最愛嘅小丸子做主題，做出2款有連帽設計嘅旅行頸枕，造型萌感十足之餘，亦有保暖效果，兼可當埋眼罩咁用，機艙再光都唔怕喇！唔止咁，頸位上仲有埋啪鈕可固定，絕對唔易甩，真係隨時去到邊、瞓到邊，好方便啊！

聽完都想換？由下星期一（7號）朝早7點起，只要去7-Eleven指定分店買禮盒類滿158蚊，即可免費獲贈「櫻桃小丸子系列旅行頸枕」一個，數量有限，送完即止！咁吸引，黛安到時都要準時去7-Eleven搶購先得喇！